Ileqquliunneqarsimasoq pissarsiaqarfiulluartartorlu skakfestivaali Tunumi ingerlanneqartaleqqippoq, Kulusummilu meeqqat inuusuttullu sapaatip akunnermik sivisutigisumik unammisaqattaartinneqarlutik, saqqummiisoqartarluni aamma nunat tamalaat akornanni ikinngutigiinnissamut sammisaqarfiussaaq.
Assiliartap allagartaa: Skakfestivaali meeqqanik inuusuttunillu ilinniarnissamut, ataatsimoornissamut aamma nutaanik misigisaqartitsinermut katersuutsitsivoq.
Ileqquliunneqarsimasoq pissarsioaqarfiulluartartorlu Polar Pelagic Skakfestival Tunumi ingerlanneqaqqammerpoq.
Festivaali ukiorpassuarni meeqqanut inuusuttunullu sumiiffimmi katersuuffiusarsimavoq, tassanilu skakkertarneq tammoorfimmi sammineqaannarani, ataatsimoorneq, ilinniarneq aamma kulturit assigiinngitsut naapeqatigiinnerannik imaqartarpoq.
Ileqquliunneqarsimasoq 2003-mi aallartinneqarsimavoq, tassani skakklubbi Hrókurinn Tasiilami, Kulusummi aamma nunaqarfiini Polar Pelagic suleqatigalugu skakkertitsisimammat.
Sapaatip akunnermi ataatsip ingerlanerani skakkerneq ataatsimoornerlu
Ukioq manna festivaali Kalak suleqatigalugu Tunumi ingerlanneqaqqippoq. Kalak tassaavoq, Kalaallit Nunaata Islandillu akornanni ikinngutigiittut peqatigiiffik.
Sila aamma teknikkikkut atortorissaarutini unammillernartut peqqutaallutik pilersaarutit ingerlanneranni allannguuteqalaartarsimapput. Taamaakkaluartoq Kulusummi skakkerluni unammisaqattaarnerit, ataatsikkut unamminerit aamma inuiaqatigiinnut tunniussat sapaatip akunnermi ataatsimi ingerlanneqartoq pissarsiffiulluarsimavoq.
