Isumaginninnikkut aningaasaliissutinik qinnuteqarnissamut piffissaliussaq kinguartinneqarpoq
Kattuffiit, peqatigiiffiit inuilluunniit ataasiakkaat aningaasaliiffigineqarnissamut qinnuteqaamminnik nassiussisut taamaalillutik qinnuteqaatitik nassiuteqqissavaat. Nuummi Kommuneqarfiup Allaffiani Innuttaasunik Kiffartuussivimmut aamma kommunip sumiiffiini allani Innuttaasunik Kiffartuussivinnut ornigulluni tunniunneqassapput.
Peqatigiiffiit qinnuteqaatinik suli tunniussisimanngitsut qinnuteqarusuttulli kaammattorneqassapput Innuttaasunik Kiffartuussivimmut ornigullutik tunniussiartussasut.
Qinnuteqaammik tunniussinissamut piffissaliussaq 1. juulimut kinguartinneqarpoq. Aaqqissuussanut tapiiffigineqarnissamut qinnuteqaatit juunip ulluisa aallaqqaataaniit juulip ulluisa aallaqqaataata akornanni pisut matumani ilaatinneqassapputtaaq.
Tusarniaanernut tunngatillugu akissuteqaatit
Qarasaasiatigut systemimik ajutoortoqarnera pissutigalugu Sanaartornermut Avatangiisinullu Ingerlatsivik nalunaaruteqarpoq, tusarniaanernik akissutinik tigooraarnerput ullormiit 22. maj 2026-miit ullumimut nassiunneqarsimasut tiguneqarsinnaasimanngimmata.
Piffissami tassani tusarniaaneqartuni ingerlatsivimmut nassiussimaguit, piumaffigilaassavatsigit akissuteqaatitit nassiussatit, nassiuteqqissagitit uunnga: sai@sermersooq.org
Systemip ajutooqqanerata nalaani nalunaarutitingerlaannarput
Saqqummersinneqarpoq 3. June 2026
Kommuneqarfik Sermersuup systemiata ajutooqqanerani suli
periarfissaavoq meeqqat inuusuttullu pillugit
nalunaarsinnaaneq.
Nalunaarutiginninnerit allaganngorlugit Kuussuaq 2-mi
(Allaffissuarmi) Meeqqanut Ilaqutariinnullu Aqutsisoqarfimmi
saaffiginnittarfimmut tunniunneqassapput.
Pinartumik pilertortumillu nalunaaruteqartoqarpat
imaluunniit saaffiginnissuteqartoqarniarpat
isumaginnittoqarfimmi pingaartut oqarasuaataannut 55 57 31-
imut saaffiginnittoqarsinnaavoq. Tamanna
saaffiginninnissamut periarfissaq systemip ajutooqqanerata
nalaani periarfissaassaaq.
Sullissinermi suliaqarneq piffissaq nalinginnaasumit
sivisunerunissaa naatsorsuutigineqartariaqarpoq
