Maajimi Peqqissuusamut atatillugu Kommune Kujallermi Kulturimut Sunngiffimmullu Ingerlatsivik maajip ingerlanerani assigiinngitsunik aaqqissuussivoq.
Sapaatit akunnerata naanerani Maajimi Peqqissuusa Qaqortumi Henrik Lundip Aqqutaatigoorluni pisuttuarnermik kiisalu kingusinnerusukkut pinngortitami ataatsimoorluni nerinermik naammassineqarpoq.
Ingerlatsiviup peqataasut tamaasa peqataalluarnerannut qutsavigai, aammattaarlu mamartunik nerisassiorneq pillugu qujassuteqarluni.
Taamatuttaaq Sukisaarsaartarfik Kaassassuk, kajumissutsiminnik suleqataasut, Qaqortumi suliffeqarfiit assigiinngitsut, Tikkili Kleist, imaani kinittartoqatigiit kiisalu pisuttuartartut peqatigiiffiat Nunami Pisuttuartut maajip ingerlanerani aaqqissuussanut assigiinngitsunut tapersiisimanerannut qutsavigineqarput.
