Kommuneqarfik Sermersuumi Meeqqanut inuusuttunullu ingerlatsivimmi atuarfeqarnermut immikkoortoqarfianit nalunaarutaareersumik nakkutilliineq ingerlanneqareersoq paasinarsivoq, Nuussuup Atuarfiani atuartitsinermi akunnerit amerlassusaat nikinganeqartut. Ingammik meeqqat atuarfii pillugit inatsimmi piumasaqaammut snailliullugu, ukioq arfinilissaat atuartuni akunnerit atuartitsiviusussat 100-ut amigaatigineqarput. Atuarfiulli kingorna ilisimatitsiissutigaa, tamanna iluarsiivigineqareersimasoq.
Nakkutilliineq ulloq 29. Oktobari 2025-mi Kommuneqarfik Sermersuumi Meeqqanut inuusuttunullu ingerlatsivimmi atuarfeqarnermut immikkoortoqarfimmit ingerlanneqarpoq, ilisimatitsiinerlu Meeqqanut, Inuusuttunut aamma Atuarfeqarneq pillugit Ataatsimiititaliamit ingerlanneqarsimasoq takuneqarsinnaalluni. Taamaasilluni avataaniit nakkutilliisoqarani, kommunimit nakkutilliineq kommunip allaffissornermik ingerlatsivianit ingerlanneqarsimalluni.
Atuartitsinermi akunnerit amigartut
Nakkutilliinermi nalunaarusiaq malillugu 6. klassimi atuartut kisimi akunnerni 870-ini atuartinneqarsimapput, tamannalu inatsisitigut pisussaaffimmiit 970-iusumiit annikinnerulluni. Aammattaaq 8., 9. Aamma 10. klassini minnerpaamik piumasaqaat akunnernik qulinik ataanneqarsimasoq nalunaarsorneqarsimavoq.
Klassini allani atuartitsinermi akunnerit meeqqat atuarfii pillugit inatsimmi piumasaqaatit minnerpaaffigisaanni inissisimapput.
Atuanngitsoornerit aamma angajoqqaanik suleqateqarnerit ukkatigineri
Nalunaarusiami aamma takuneqarsinnaavoq, atuarfik atuartuutitaarnissamut, atuanngitsoortunut malitseqartitsinissamut aamma atuarfiup angerlarfiullu akornanni suleqatigiinnissamut aaliangersimasumik periuseqartoq.
Atuartut atuanngittarnerat malitseqartitnneqartarpoq, pisariaqartitsiffimmilu ilaqutariit suleqatigalugit iliuusissanik pilersaarusiortoqartarluni. Aamma ilinniartitsisut sulinngitsoortarnerat ataqatigiissaakkamik nalunaarsorneqartarpoq, atuarfimmilu aqutsisut ineriartornermut malitseqartitsisarlutik.