Atuarfiup silaannarissarfiinik misissuineq maajip 17-ianni naammassineqarpoq, silaannarissarfiillu ikeqqinneqarsimalerlutik.
Silaannarissarfiilli patajaannerusumik ingerlassappata teknikkikkut aaqqiissuteqartoqarnissaa pisariaqarpoq, tamannalu maanna sulissutigineqaleruttorpoq.
”Teknikkikkut aaqqiiniarnermut atatillugu juunip aallaqqaataani iliiusissamik neqeroorummik pissarsisimanissarput naatsorsuutigaarput, tamatumalu saniatigut silaannarissarfiit ataavartumik nakkutigineqarnissaannik qulakkeerinnittussamik suliniuteqarluta,” Kommune Kujallermi Avatangiisinut Ingerlatsivimmi pisortaq, Malik Lundgaard Jensen nassuiaavoq.
Paasissutissaq: Nanortallip Atuarfia siusinnerusukkut oquujarneqarluni salinneqarnikuuvoq, ukiunilu kingullerni silaannarissarfinnik saliisitsisoqartarluni. 2025-mi juulip qaammataani R&T-minngaanniit nalunaarusiorneqarsimavoq oquerussimasoq, atuarfiullu silaanna ajoquteqanngitsoq.
