Avannaata Kommunia Upernavimmi Ilaqutariit immikkoortortaqarfiani meeqqanut inuusuttunut, ilaqutariinnullu isumaginninnermut sullissisumik pissarsiorpoq 1. november 2026 isumaqatigiissuteqarnikkulluunniit atorfinittussamik.
Inunnik isumaginnittoqarfimmi meeqqanut inuusuttuaqqanut/ilaqutariinnullu sullissisut, ikiorsiisarnermilu sullissisut allat suleqatigissavatit. Ilaqutareeqarnermi immikkoortortaqarfimmi aqutsisoq qaninnertut qullersarineqassalluni.
Suliassat akisussaaffiillu:
- Kommunimi meeqqat qanoq inuunerminni atugaqarnerisa nakkutigineri aammalu ikiortariaqarsinnaasunik sullissinerit nalunaarutiginninnerillu
- Saaffiginnittunik sullissineq oqaloqateqarneq meeqqanut inuusuttunut ilaqutaannullu tunngasunik siunnersuineq
- Inatsisit malillugit meeqqanut ikiorsiissutinik nalilersuineq – matumanilu pisariaqartitaat naapertorlugit ikiorsiissutinik tunniussineq
- Meeqqanik ulloq unnuarlu inissiisarfimmiittunik imaluunniit kommunip avataani efterskolertunut nakkutilliineq sullissinerlu. Matumani meeqqat angajoqqaavinut ilaqutaasunullu allanut attaveqatigiinneq attatiinnarniarlugu
- Suleqatigiit ataatsimiinnissaannut innersuussutinik suliaqarneq, suliassaqarfiit akimorlugit suleqatigiisitanut aammalu Isumaginninnermi Ataatsimiititaliamut qinnuteqaatit, suliaqarfiit akimorlugit suleqatigiisitat ataatsimiititaliaata ataatsimiinnerini innersuutit aalajangerneqartut aammalu Isumaginninnermut Ataatsimiititaliap aalajangigai aallaavigalugit sullissineq
- Nunaqarfinni suleqatit meeqqanut inuusuttunut ilaqutaannullu tunngasunut siunnersueqatigisarneri
- Sapinngisamik pisariaqartitsineq tunngavigalugu meeqqanut inuusuttunut ilaqutaannullu tunngasuni immikkoortortami suleqatinik paarlaasarneq
- Sumiiffimmi isumaginninnermi pigaartartunut peqataaneq
- Suliassat takkussuuttut naliginnaasut allat suliaralugit
Piginnaasat kissaatigineqartut:
- Isumaginninnermi siunnersortitut ilinniarsimanissaq assingusumilluunniit ilinniagalik
- Suliamut tunngassutilinnut pikkorissarnissamut piumassuseqarneq soqutiginninnerlu aammalu ilinniaqqissinnaanerit suliamut attuumassutillit
- Meeqqanut tunngatillugu sullissinermik misilittagalik ilanngullugit meeqqanut inuusuttunullu ikiorsiinermut inatsit malillugu ikiorsiisarnermik suliaqartarsimanerit takussutissallit
- Suleqatinik aqutsisunillu suleqatiginnilluarsinnaaneq
- Isumaginnittoqarfimmi sullissisutut sullissinermi aaqqissuussaanikkut aqutsinikkullu aalajangersakkanik malinnissinnanneq suleqatinillu suleqateqarluarsinnaaneq
- Suleqatinik avataaneersunik pitsaasumik suleqateqarnermut misilittagaqarneq, suleqatigiit ataatsimiinnerini, suliaqarfiit akimorlugit ataatsimiinnerni imaluunniit immikkoortortaqarfiit akimorlugit sullissinermi
- Maligassiuisoq, sullitanut attaveqatiginninnermut pikkorissoq
- Tarnikkut nukittooq, akerleriinnernik aqutsisinnaaneq
- Tulleriiarluakkamik sulisinnaaneq, tatiginartoq akisussaassuseqartorlu
- Aalajaatsoq peqqissaartorlu
Piffissaq qaninnerusoq isigalugu atorfimmi anguniarneqarpoq sullissinerup pitsaanerusunngortinneqarnissaa, kiisalu misissorneqassalluni ikiorsiissutinik naleqquttunik meeqqanut inuusuttunut ilaqutaasunullu tunngasuni tunniunneqartartunik pitsanngorsaanerit.
Piffissaq ungasinnerusoq isigalugu meeqqanik inuusuttunillu annertuumik sumiginnaanerit, timikkut tarnikkullu nakuusernerit, kinguaassiuutitigut atornerlunneqarnernut annikillisinniarneqarnissaanut suleqataaneq aammalu angajoqqaat piginnaasaat nukittorsaaneq.
Akissarsiat atorfinititsinerlu:
Akissarsiaqartitsineq atorfinititsinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunniit atuuttut naapertorlugit.
Atorfimmut atatillugu inissaqartitsoqassaaq.
Atorfimmut tunngatillugu annertunerusumik paasisaqartoqarsinnaavoq Pisartagaqarnermut immikkoortortaqarfimmi aqutsisoq Esther Lennert-imut oqarasuaat 70 18 00-mut saaffiginninnikkut imaluunniit e-mail: esle@avannaata.gl
Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut nassiunneqassapput Avannaata Kommuniata nittartangaa: Avannaata.gl/ledige-stillinger iserfingalugu.
