Meeqqerivik “Tunguusaq” pisortamut tullissarsiorpoq
Illit Perorsaasutut ilinniarsimaguit allamillu misilittaarusullutit nutaaliorusussuseqaruillu taava illerpiaq amigaatigaatsigit. Pisortap tullia sulilissaaq novembarip ulluisa aallaqqaataa 2026imaluunniit isumaqatigiissuteqarnikkut.
Ulluunerani paaqqinniffik “Tunguusaq” 0-iniit 6-inut ukiulinnut 44-inut inissaqartitsivoq. Sulisut katillutik 12-put. Pisortarlu taakkununnga ilaavoq.
Qaqortumi ulluunerani paaqqinniffiit sisamaapput. Aamma paaqqinnittarfiiit akornanni suleqatigiilluartoqarpoq. Aammattaaq pisariaqartitsisoqartillugu imminnut ikioqatigiittarnertik pingaartippaat.
Qaqortoq illoqarfiuvoq eqqissisimanartoq, ilinniartoqarfiusoq kusanarluinnartorlu.Ukiup ingerlanerani assigiinngitsunik sammisassaqartitsisoqartarpoq.
”Tunguusaq”-mi pisortamut tullersortinngoruit makkua akisussaaffigissavatit:
- Illup ingerlanganik sutigut tamatigut nakkutiginninneq, taassuma iluani allaffissorneq.
- Illup siunertaanik malititsiniartoq
- Angajoqqaanik suleqateqarnermi peqataalluarneq
- Perorsaanermik nakkutiginninneq ineriartortitsiuarnerlu
- Suleqatikkuminartoq, tarnikkut timikkullu nukittooq
- Killiliisinnaasoq
- Suleqatinik ataatsimoortitsisinnaasoq
- Ajornartorsiutinik qaangiinissamik aqqutissiuisinnaasoq
- Ulapaarfimmi paatsiveerutiaatsoq
- Aqutsinermik misilittagaqartoq
- Meeqqanut asannittoq tunniussimasorlu
Meeeqqanik pinerliisimannginnermut uppernarsaat:
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsiatigut atorfeqarnermilu atugassarititaasut Naalakkersuisut Nunatsinni kiisalu Perorsaasut Kattuffiata isumaqatigiissutaat atuuttut naapertorlugit pissapput.
Avataaniit tikittunut inissaqartitsisoqarsinnaavoq malittarisassat atuuttut naapertorlugit akilerneqartartussamik.
Sukumiinerusumik paasisarusukkuit attavigisinnaavat “Tunguusaq”-ni pisortaq Pilunnguaq Kleist e-mail: pikl@kujalleq.gl
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik oktobarip ulluisa aallaqqaataa 2026.
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
Qinnuteqarnissamut killissarititaasoq: oktobarip 1.-at, 2026
