Sukisaarsaartarfik Kaassassuk Qaqortumi inissisimasoq perorsaasumik imaluunniit isumaginninnermik ikiortitut assigisaaniluunniit ilinniagalik ujartorparput. 

Kommune Kujallermi ujaasivugut perorsaanikkut ilinniagalik, perorsaanikkut siunnerfeqartumik atuarnerup avataatigut meeqqat inuusuttullu atugaanik, peqqissusaanik, ineriartornerannik ilinniarnerannillu siuarsaallutik suliaqarfigisassaat. Pinaveersaartitsinermik, kulturimik sunnigfimmilu ornittagaq atuarfimmik angajoqqaanillu suleqateqarluni suliaqarfiusoq.  Sukisaarsaartarfik Kaassassuk-mi ujartugarput Augustip ulluisa aallaqqaataa 2026 imaluunniit isumaqatigiissuteqarnikkut atorfinittussamik.

Meeqqat atuarfianiit 4. klassenngorlaat 21-nillu ukiullit tikillugit ullukkut unnukkullu agguataarlutik atuisuuput. 

Atorfik pillugu:Atorfik Kommune Kujallermi Qaqortumi inissisimavoq. Meeqqanik inuusuttunillu nuannarisaqaruit aammalu sammisassaqartitsinikkut ineriartuutaasunik aaqqissuisinnaassuseqarlutiksoqutigisaqaruit namminerlu pilersaarusiorsinnaallutik meeqqanik inuusuttunillu peqateqarluni ingerlaqateqarnikkut ineriartortitsineq. 

Naatsorsuutigaarput illit:

  • Naleqquttumik ilinniagaqarsimasutit perorsaasoq imaluuniit socialhjælper assigisaaniluunnit.
  • Sulinermik misilittagaqartutit 
  • Meeqqanik inuusuttunillu sullissinermi soqutiginnittuusutit
  • Oqaloqatiginnissinnaasutit meeqqanik inuusuttunillu aamma angajoqqaanik suleqateqarsinnaasoq. 
  • Pinerlussimannginnermut uppernarsaammik peqarnissaq piumasaqaataavoq. 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq. 

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

Akissaasersuineq:

Isumaqatigiissutit naapertorlugit akissaasersuineqassaaq.

Attavissat:

Atorfik pillugu paasissutissat sukumiinerusut saaffiginnissutigineqarsinnaapput Sukisaarsaartarfik Kaassassuk-p pisortaa Rosine Manassen e-mail: roma@kujalleq.gl imaluunniit Kulturimut Sunngiffimmullu aqutsisuugallartoq Agerdla Kielsen Olsen akio@kujalleq.gl 

Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik 31 juli 2026 nittartagarput aqqutigalugu.

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

Qinnuteqarnissamut killissarititaasoq: juulip 31.-at, 2026