Laboratoriamiutut ilinniarnerup atuagarsornertaanik naammassinnereersimallutit suliffimmik misiliiffissannik ujaasisussanngorpit, taava periarfissaqarputit uagutsinnut qinnuteqarnissannut.
Laboratoriatsinni Nuummiittumi laborantitut tunniusimasumik 2027-mi februaarip aallaqqaataanni (imaluunniit isumaqatigiissuteqarnikkut) aallartittussamik ilinniartussarsiorpugut.
Royal Greenlandip suliffimmik nunanut tamalaanut atassuteqartumik, allanngorartumik unammillernarsinnaasumillu suliffiusinnaasumik, ilinniartuuffigisinnaasannik neqeroorfigaatit. Royal Greenland A/S, aalisarnermik, tunisassiornermik, nittarsaassinermik tuniniaanermillu aallussaqartoq. Kalaallit Nunaannilu Namminersorlutik Oqartussanit pigineqartoq, nunatsinni suliffeqarfiit anginerpaat.
Suliffeqarfik nunani tamalaani 49-nik tunisassiorfeqarpoq, taakkunanilu 38-it nunatsinniipput. Aamma pisaminnik nunatta kitaani tunitsivinnut tunisisartunik aqqanilinnik avataasiutinik kilisaataateqarlunilu aalisariutaateqarpoq.
Suliffimmik misiliineq
- Laboratoriat qullersaqarfianni Nuummiittumi suliffimmik misiliininni laborantit tallimat suleqatigissavatit, Royal Greenlandip tunisassiorfippassuini sinerissamiittuni aamma tunitsivinni nunaqarfimmiittuni, kilisaatiniillu nioqqutissanik naammasseriikkanik, misissugassanik ingerlatsinermut aamma eqqiluisaarnermut tunngasunik, kiisalu tappiorannartoqarneranik misissugassanik suliaqartartut tallimat suleqatigissavatit
- Suleqatitit peqatigalugit tunisassiatta oqartussat Royal Greenlandillu nammineq piumasaqaataannut annertuunut naapertuunnissaasa qulakkeerneqarnissaannut ilinniartinneqassaatit
- Aammattaaq tunisassiorfinni misissuinernik, soorlu eqqiluisaarnermik nakkutilliinernik suliassanillu takkuttunik allanik, soorlu substratinik sananernik pitsaassusiliinernillu, taavalu suliassanik allanik laboratoriap misissuinerata pitsaassusaanik qulakkeerinnillunilu takussutissaliornermi peqataasassaatit
- Tamakkiisumik isigalugu ulluinnaat soqutiginartuunissaat sulianullu tunngasunik unammillernartoqartuunissaat qilanaarisinnaavat
- Laboratoriani sinerissamiittuni suleqatitsinnik aamma attaveqartassaatit
- Eqqissisimasumik, ammasumik unneqqarissumillu attaveqariaaseqarpugut. Sullivimmi avatangiisigissaartuunissaq pingaartilluinnarlugulu akisussaaffeqarluta namminersorsinnaasarpugut, qanorlu pisoqarpalluunniit ikioqatigiittarpugut
- Sapaatip-akunneranut nalunaaquttap akunneri 40-t sulisassaatit
- Sapaatip-akunnerata naanerani nalliuttulli ilaanni suleratarsinnaanissat ilimagissavat
- Industriens funktionæroverenskomst isumaqatigiissut naapertorlugu akissarsiaqartinneqassaatit
- Tamatumunnga ilanngullu sapaatip-akunnerini tallimani akissarsiaqartinneqarluni sulinngeqarsinnaaneq suliffimmillu misiliineq aallartippat naammassippallu angalanermut Københavnimiit Nuummut utimullu aningaasartuutit neqeroorutigaagut
- Taakku saniatigut ukiut tamaasa Bootcamp-ertitsisarpugut, pingaarnertut inuttut ineriartorneq ataatsimoorneq kajumissuseqalertitsinerlu sammineqartarput. Suliffiullu avataaniilaarluni misigineqarsinnaasarluni
Illit kinaavit?
- Laboratoriamiutut ilinniarnerup atuagarsornertaanik naammassinnereersimassasutit, piumasaqaataamillu sullivimmik misiliisussanngortutit naatsorsuutigaarput
- Nuummi ukioq ataaseq najugaqarusullutillu suliffimmik misileerusuttuussaatit
- Qarasaasiamik atuisinnaallutillu Microsoft Officemik atuinermik misilittagaqassaatit
- SAP-imik atuinissamut ilinniartinneqassaatit
- Piumassuseqarlutit qiimasuullutillu suleqataasiinnaassaatit, aammali namminersorlutit sulisinnaallutillu immikkoortortami suliassanik piffissaq eqqorlugu naammassinninnissamut ikiuussinnaassaatit – ulapaarfiugaluarpalluunniit
- Nikerartunik suliaqarsinnaasuullutillu sungiussiasuulluinnassaatit
- Kisaatiginarpoq kalaallisut danskisullu oqaaseqartuunissat
- Suliavit peqqissaarussamik, pitsaassuseq, isumannaallisaaneq akissussaassuseqarnerlu qitiutilluinnarlugit suliarisarnissaat ilinnut soorunami pissusissamisuussaaq
Qinnuteqarfissaq saaffissarlu
Qinnuteqarfissaq kingulleq septembarip 1-iani 2026.
Ingerlaavartumik oqaloqatigiinnittoqassaaq, oqaloqatiginninnerillu naatsorsuutigaarput oqaloqatiginninnerit kingulliit septemberip qeqqani naammassineqariissasut.
Qinnuteqaat nittartagarput aqqutigalugu nassiunneqassaaq:
Tag med os til Royal Greenland – Royal Greenland A/S
Apeqqutissaqaruit laboranti Kristine Neumann Rasmussen oqarasuaammut +299 361311-mut sianerlutit imaluunniit kras@royalgreenland.com-mut allallutit saaffiginissaanut tikilluaqqusaavutit.
Liloz Ali suliffimmik misiliinikup oqaasiinit issuaaneq:
”Royal Greenland-i suliffeqarfik ulluinnarni ulapaarfiusinnaavoq. Suliffimmik misiliilluni assigiinngitsorpassuarnik ingerlatsiviup ilua suliassarpassuaqarpoq. Taakkulu ilagaat tappiorannartunik misissuineq aammalu suliassat suliffimmi peqqinnartumik avatangiisilimmi inuit suleqatikkuminartut peqatigalugit kivitseqatigiilluni sulineq.
Periarfissinneqarpungattaaq Sisimiuni Royal Greenland-ip fabrikkiutaa pulaarnissaanut. Taakaniinninnilu suliffeqarfiup ingerlariaasaa pissarsiaqarfigalugu.
Nuummi aamma najugaqarluni immikkuullarippoq. Ulluinnarni pinngortitaq piorsarsimassuserlu inuummarinnarpoq. Tamakkiisumik oqassaguma inuttut sulisutullu ineriartuutigaara Kalaallit Nunaat misigalugu ingammik suliffeqarfimmi nunarsuaq tamakkerlugu nalunnginneqaqisumi suleqataallunga misigalugu.”
