Raajat, saattuat, suannillu nunatsinni tunisassiornermi pitsaassusilerinermi nakkutilliinikkut ataqatigiissaarisoq
Kalaallit Nunaanni aalisakkerinerup siuttuani inuussutissat isumannaatsuunerannik pitsaassusiannillu ineriartortitsinermi pingaarutilimmik inissisimalersinnaavutit
Nuna tamakkerlugu pingaaruteqartumi suliffimmi sulisoorusuppit, aamma nunami maani nunanilu allani tunisassiatta pitsaanerpaanik piumasaqaatinik atuutitsinissaq qulakkeerusuppiuk?
Pitsaassusilerinermi nakkutilliisutut immikkoortortaqarfimmi pingaarnertut inissisimalissaatit, tunisassiornermi, pisortatigut, atuisunut aammalu uppernarsaatitigut piumasaqaatinik ataqatigiissaarinikkut attaveqaatitut inissisimalissallutit.
Ulluinnarni assigiinngitsorpassuarnik suliaqartassaatit, suliffissuaqarfiit qanimut attaveqarfigisinnaavatit, tunisassiallu nunanut allanut tunineqartartut pitsaassusiannut sunniuteqaqataasinnaallutit.
Akisussaaffeqarfiit
Suliffimmi tamatumani raajanut, saattuanut nunamilu niuernermut tunngatillugu nammineerlutit nakkutilliineq, BRC, MSC, nioqqutissanik misissuineq oqartussanullu attaveqarneq akisussaaffigaat.
Tunisassiornermi pingaarnertut aqutsisullu akornganni akisussaassuseqassaatit. Aammattaaq kukkunersiuinermut tunngatillugu iluarsiissutissanik akuersinissamut atuutilersitsisarnissamullu pisussaatitaassaatit.
Suliassatit pingaarnerit
- Suliffeqarfinni malittarisassanik aammalu nakkutiginninnermik atuutsitsilernissaq
- Kalaallit Nunaanni, Danmarkimi nunanilu allani atuisut oqartussallu piumasaqaataannut atatillugu imminut nakkutiginninnermik aaqqissuussinerit nutarterneqarnissaat
- Nioqqutissat pitsaassusaat qulakkeerniarlugu fabrikkini misissuineq nakkutilliinerlu
- Atuisut misissuiffiginerini peqataaneq aamma assigiinngissuteqartunik aaqqiiniarneq
- Apeqqutinik akissutissarsiorneq atuisullu piumasaqaataannik naammassinninneq
- Oqaaqqissaarutit peqqussutillu qanoq maleruarneqarsinnaanerat pillugu pilersaarusiorneq
- Nakkutiginninnermi pikkorissarnerit, eqqiluisaarneq uumasullu ajoqutaasut pillugit ilinniartitsineq
- Sanaartornermut inatsisinillu nutaanik atuutilersitsinermi suliaqarnerit
- Kukkulluni naqiterisimanerit aaqqiiniarfigineri, pitsaassutsimut tunngatillugu aammalu bakterianut tunngatillugu unamminiarnartut
Ukiumut ullut 50-60-it suliffimmut atatillungu angalanerit naatsorsuutigissavatit.
Kinaassutsit
Takorluugaraarput:
- Laborantitut, teknikeritut imaluunniit assigisaanik ilinniagaqarnissat.
- Inuussutissanik tunisassiornermi pitsaassutsimillu nakkutilliinermi misilittagaqarluarneq
- Atortorissaarutitigut nakkutilliinermi nalunngisaqarluartuuneq
- Aaqqissuulluakkamik nammineerluni sulisinnaaneq
- Office, SAP aamma IPW atorlugit IT-mik atuillaqqinnerit
- Qallunaatut aammalu tuluttut oqalussinnaaneq piumasaqaataavoq – kalaallisut oqalussinnaaneq iluaqutaasorujussuuvoq
Neqeroorutigaarput
- Pitsaaliuinermi immikkoortortaqarfimmi nukittuumik pingaarutilimmillu inissisimaneq
- Kalaallit Nunaanni suliffissuaqarfiit annersaata pitsaassusianik sunniuteqarsinnaaneq ineriartortitsisinnaanerlu
- Ulluinnarni suliassat assigiinngitsorpassuit allaffimmi suliassat, nakkutilliinermut tunngasut suliffissuanulluunniit tikeraarnerit
- Suliffik pimoorussisoq ineriartornartorlu
Nuummi pitsaaliuinermi pisortaq aqutsisoriumaarpat.
Atorfik pillugu paasisaqarnerorusukkuit Pitsaaliuinermi pisortaq Dorthe Korsgaard oqarasuaatitigut +299 58 69 80, attavigeriaannaavat imaluunniit mailikkut doko@royalgreenland.com.
Qinnuteqaatit mailikkut nassiuinneqartut ilanngunneqassanngillat.
Qinnuteqarnissamut killigititaq tassaavoq aggustip 7-at 2026.
Soqutiginnittukkuit qinnuteqaatit ilinniakkavit siornatigullu suliffigisimasat paasissutissanik ilalik nassiussinnaavat.
Tusarfiginissat qilanaaralugu.
Qinnuteqarnissamut killissarititaasoq: aggustip 7.-at, 2026
