Ansøgningsfristen for dette job er udløbet. Se ledige job →

Juunarsip atuarfia pedllissarsiorpoq 1. Augustimiik imaluunniit isumaqatigiissuteqarnikkut. Assassornikkut ilinniarsimasumik, soorlu sanasoq imaluunniit ruujorilerisoq. 

Suliassat akisussaaffiillu:

·Atuarfiup iluani, silataanilu aserfallatsaaliineq.

·Allakkanik agguaassassaqartillugu agguaaneq.

·Atuarfik allagarsiassaani, poortugassiaqartillugu aallerneq.

·Atuarfik atorneqassatillugu nerrivilersorlunilu issiavilersorneq. 

·Suliakkiissutigineqarsinnaasullu assigiinngitsut suliarineri. 

·Atuarfiup eqqaani aputaajaaneq. 

·Ullaakkut matunik ammarterineq aammalu ullukkut paarnaartitserineq.

Piginnaaneqarfiit:

·Assassornermik ilinniagaqarsimaneq.

·Sulilluartoq, aalajaatsoq tunniusimasorlu.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissarsiat kiisalu atorfininnermi piumasaqaatit: 

Atorfininnermi akissarsiassat atorfininnermilu piumasaqaatit atuuttut tassaassapput, Naalakkersuisut, Finansministeriap aamma Sulinermik Inuussutissarsiuteqartut Kattuffiata akornanni kiassaatilerisut, atuarfinni suliffeqarfinnilu kiisalu inissiarsuarni nakkutilliisut pillugit isumaqatigiissut. 

Atorfimmut tunngatillugu inissaqartitsisoqanngilaq.

Attavigineqarsinnaasoq: 

Atorfimmut tunngatillugu apeqqutissaqaruit atuarfiup pisortaa Bettina Abelsen imaluunniit email-ikkut uunga beh@qeqertalik.gl imaluunniit oqarasuaat 91 46 32 attavigisinnaavat. 

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaativit tigunissaanut qilanaarpugut. 

Qinnuteqarnissamut killissarititaasoq: aggustip 2.-at, 2026