Aqutsisinnaassuseqarpit, tuniniaanermi piumassuseqarpit aammalu elektronikkimik soqutiginnillutit? Akisussaassuseqarlutit aammalu teamit peqatigalugu angusaqarluarnissaq piumassuseqarfigisarpiuk? Taava illit Nuummi Brugsenip elektronikkimik pisiniarfiani, Powered by Brugseni-mi, pisiniarfimmi pisortanngorsinnaavutit, tassani elektronikkimik nuannarisalinnut teknologiimillu nuannarisalinnut siuttunngornissarput anguniartarparput aammalu pisisartunut immikkut ittumik nioqqutissanik sullissinermillu neqerooruteqarusulluta.
Atorfik pillugu
Pisiniarfimmi pisortatut elektronikkimik pisiniarfitsinni ulluinnarni ingerlatsineq tamakkiisumik akisussaaffigissavat 8-nik tunniusimasunik sulisoqartumi, pisortap tullia ilanngullugu. Sulisut, tuniniaaneq, pisisartunik sullissineq aamma pisiniarfiup tamarmiusup ingerlanera akisussaaffigissavatit.
Nuuk pillugu
Nuuk Kalaallit Nunaanni illoqarfiit pingaarnersaraat 20.000-it missaannik inoqartoq. Ilaqutariinnut periarfissarpassuaqarpoq aammalu meeqqanut atuarfimmi atuartunut ilinniarfiit pitsaasut. Illoqarfimmi uummaarittumi pisiniarfinnik periarfissaqarluartumik, cafénik, filmertarfeqarluni aammalu naluttarfeqarluni. Nuuk pinngortitamik kusanartumik avatangiiseqarpoq, pinngortitamullu pisunnissamut, aasaanerani piniarnissamut aammalu Nuup eqqaani kangerlummi annertuumi kusanartumilu aalisarnissamut umiatsiaararsornissamullu periarfissaqarluarluni. Ukiukkut aamma ujakkaarnissamut sisupiloornissamullu periarfissaqartarluni.
Tamanna soqutiginninnermik pilersitsisimappat aammalu pisiniarfimmik nutaamik ineriartortitsinermik aqutsinermilu siuttuunissaq kissaatigigukku, pisiniarfiup pisortaa tuniniaanermilu aqutsisoq qanimut suleqatigalugit, taava maanna periarfissaavoq atorfimmut qinnuteqarnissamut.
Akisussaaffigisassatit pingaarnerit
- Ulluinnarni pisiniarfimmi sulisunik aqutsineq piumassuseqalersitsinerlu
- Nikerartumik sulinerup pilersaarusiornera sulisoqartitsinerlu
- Tunisassiornermi aqutsineq aningaasartuutissanillu kisitsisinillu pingaarnernik malinnaaneq
- Pisiniat naammagisimaarinninnerat aammalu pitsaasumik siunnersuinerup qulakkeerneqarnissaa
- Nioqqutissanik inniminniinerup, toqqorsivimmi nakkutiginninerup nioqqutissallu suunissaannik akisussaaffeqarneq
- Sulisunik ilinniartitsineq ineriartortitsinerlu
- Pisiniarfiup iserfigiuminarlunilu kusanartuunissaanik qulakkeerinninneq
Ilinnut naatsorsuutigisat
- Piniarfimmi pisortatut tullersortitulluunniit misilittagaqarluassasutit – ajornanngippat ulluinnarsiutaarniarfimmi elektroniskinilluunniit pisiniarfimmi
- Ersarittumik aqutsisuuvutit aammalu kajumilersitsisinnaassuseqarlutit
- Tunisassiornermik paasisimasaqarluartoq aammalu angusaqarluarluni siunertaqarluarluni sulisinnaasoq
- Aaqqissuussaanermik, akisussaassuseqartumik aammalu takussutissiamik ingerlatsisinnaalluartoq
- Ulluinnarni ulapaarfiusumi iluarisimaarinnissinnaavutit aammalu ataatsikkut suliassanik arlalinnik suliaqarsinnaallutit
- Elektronikkimik aamma teknikkikkut nioqqutissanik soqutigisaqartuuvutit
Neqeroorutigisinnaavarput
- Atorfik assigiinngisitaartumik akisussaassuseqartumillu annertuumik sunniuteqarsinnaasoq
- Team-imik tunniusimasumik suleqateqarluartoq
- Suliamik aamma inuttut ineriartornissamut periarfissaq
- Piginnaasat naapertorlugit unammillersinnaalluartumikakissarsiaqartitaaneq
- Suleqatigiinneq, angusat aamma suliffimmi naammagisimaarinninneq pingaartillugit suliffik
- Atorfininnermut atatillugu suliunnaarnermilu angalatinneqarsinnaanermik pequtillu nassiunneqarsinnaanerannik atsioqatigiinnermi periarfissaqartitaaneq
Qinnuteqarnissamut killigititaq: Maajip 25-at 2026.
Qinnuteqarsimasunik piukkunnaatilinnik ataavartumik oqaloqatiginnittoqartassaaq.
Atorfinitsinneqarneq piaarnerpaamik isumaqatigiissutigineqartoq naapertorlugu.
Atorfinitsitassap eqqortuunissaa utaqqisinnaalluarparput.
Nittartagarput www.brugseni.gl/job aqqutigalugu qinnuteqarit (e-mailikkuunngitsoq).
Atorfik pillugu paasisaqanerorusukkuit attavissaq:
Christian Magnussen, oqarasuaat +299 236861, e-mail: christian.magnussen@knb.gl
Nittartagaq: www.brugseni.gl
Facebook & LinkedIn: Kalaallit Nunaanni Brugseni
Suliffik sumiiffia
Aqqusinersuaq 2
3900 Nuuk
Grønland
