Ull. 1. december 2026-mi, imaluunniit isumaqatigiissutigisaq malillugu Narsamukarsinnaasumik peqqinnissamut assistentissarsiorpugut.
Tassaavit amigaatigisarput? – Taava amerlanernik apeqqutissaqassaguit allaffiginnga.
Narsaq Kalaallit Nunaata kujataani inissisimavoq, ilaallutik nunaqarfiit pingasut. Innuttaasut 1500-t missaanniipput, eqqaani inissisimaffilinni nunaqarfinni marlunni najugallit ilanngullugit.
Peqqissaaviup suliassai pingaarnertut tassaapput illoqarfimmi, tassungalu atasutut nunaqarfinni innuttaasut nakorsiartarneri. Taamaattorli assigiinngiiaartunik nappaatilinnik unitsitsiviusartunik 13-inik inissalimmik uninngasarfeqarpoq.
Peqqinnissamut assistentitut nakorsiartunik/ajoqusersimasutut nakorsiartunik tamatigoortupilussuarmik suliaqartassaatit, kiisalu sulisut sinnerinik suleqateqarlutit napparsimasunik uninngasunik suliaqartassallutit.
Peqqissaavimmiipput nakorsap ataatsip saniatigut immikkoortoqarfimmi peqqissaasoq, peqqissaasut pingasut, peqqinnissamik isumaginninnermi assistenti ataaseq, peqqinnissamut assistentit tallimat, ilinniagaqarsimanngitsut tallimat, kiisalu portørit marluk.
Piginnaasassatut kissaatigisat:
- Ajoqusersimasut nakorsiartarfiannit suliaqarnermit misilittagalik, namminerlu piginnaasaqarfittut suliassaqarfigisamik sianiginnittoq
- Assersuutigalugit aaviisarnerni/tarrarsuinermi ilinniartitaanissaminut sapiissusilik
- Ikinnerpaamik ukiunit marlussunnit misilittagalik
Makkuninnga neqeroorutigisinnaavagut:
- Napparsimmavimmi anginngitsumi nuannersumi sulisut sinnerinik qanimut suleqateqarnerit
- Napparsimasumik tamarmiusumik suliaqarnissamut periarfissaqarfik
- Ulluinnarni atukkanni sunneeqataasinnaanermut periarfissaqarfik
Illoqarfik sumiiffimmi kusanartumi, nunap immikkoortuani illoqarfimmit Qaqortumit immakkut nal. akunnerani angalanermik ungasissusilimmi inissisimavoq, qulimiguulik atorlugu Qaqortuliarneq minutsit 15-ingajannik sivisussuseqartarluni.
Kommunip nittartagaani annerusumik takusaqarit: www.kujalleq
Kalaallit Nunaanni Peqqinnissaqarfimmi atorfininnermut atatillugit paasissutissat iluaqutissat ilisimatitsissutitut atortussiami nassaarineqarsinnaapput: Grundbog om at flytte til Grønland og arbejde i Det Grønlandske Sundhedsvæsen (Kalaallit Nunaannut nuunneq aamma Kalaallit Nunaanni Peqqinnissaqarfimmi suliaqarneq pillugit tunngaviusutut atuagaq), uani: http://www.peqqik.gl/da/Ansaettelse.aspx
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: Ull. 1. december 2026 imaluunniit isumaqatigiissutigisaq malillugu
Qinnuteqarfissaq kingulleq: Ull. 1. november 2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Immikkoortoqarfimmi peqqissaasumi Susanne Schwarzimi pissarsiarineqarsinnaapput, ukunatigut: mailikkut: SUSC@PEQQIK.GL, imaluunniit oqarasuaatikkut (+299) 66 12 11, imaluunniit Pisortatut nunap immikkoortuani peqqissaasumi Anniita Lund Lyngemi, mailikkut: ANLU@PEQQIK.GL, imaluunniit oqarasuaatikkut 64 22 11
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
