Nanortallip Atuarfia ilinniartitsisunik pikkorissunik marlunnik 1. december 2026 imaluunniit tamatuma kingorna ukiuni aalajangersimasuni atorfeqarnermut immikkut atugassaqartitsilluni piaarnerpaamik atorfinittussanik sulisussarsiorpoq.
Atorfik 1 pillugu:
Atuartunut annernut ilinniartitsisussarsiorpugut, annermik tuluttoortitsinermik holdekutaarlunilu atuartitsinermik isumaginnittussamik ilinniartitsisussarsiorpugut. Atuartitsissutit allat soorlu danskisoorneq assassorneq-nipilersorneq aamma periarfissaassapput kissaatigineqarpat.
Alloriarfimmi ingerlalluartumi assigiinngitsorpassuarnik sammisaqarfiusumi ilinniartitsisunik misilittagartuunik suleqateqalissaatit. Alloriarfimmi tassani ukiut tamaasa Roskildemut Qaqortumullu paasisassarsiorluni angalanerit pilersaarusiorneqartarput, tassanissaalu assut sunniuteqassaatit. Tamatuma saniatigut alloriarfimmi ilinniakkamut inuussutissarsiornermullu piareersimassuseq sammineqartarput, alloriarfimmilu klassit tamarmik siunissaq siunissaq sapaatit akunnerani sammisaqartarlutik.
Atorfik 2 pillugu:
Tamatuma saniatigut akullernut ilinniartitsisussarsiorpugut, annermik tuluttut danskisullu ilinniartitsisussamik kiisalu atuarfimmi 6. klassinut klasselæreriusussamik. Piginnaasat kissaatillu naapertorlugit ilinniartitsissutit katiternissaannut sunniuteqartoqarsinnaavoq.
Akullerni ilinniartitsisut misilittagartuut suleqatigissavatit, taakku ukiuni kingullerni atuartut piginnaasaat qaffassarniarlugit ilungersorlutik sulisimapput. Alloriarfimmi tassani suliassaqarfiit pitarlugit suleqatigiinneq assut pingaartinneqarpoq, tassanilu klassit akimorlugit ilinniartitsisut suleqatigiittarput atuartitsinerminni tapertariiaakkumallutik.
Nanortallip Atuarfia
Nanortallip Atuarfia 178-inik atuartoqarpoq massakkullu 23-inik ilinniartitsisoqarluni.
Nanortallip Atuarfia atortorissaarluarpoq, suleqatigiinneq nuannersoq, minnerunngitsumillu kusanarluinnartumik tammaarsimaarnissamik periarfissaqarluartumik pinngortitalik. Nanortallip Atuarfia ukiut tamaasa sapaatit akunnerani immikkut sammisaqartitsisarpoq atuarfiup tamarmi peqataaffigisaanik pilinermut ilinniarfiusartumik.
Ipad atorlugu atuartitsisinnaaneq suleqataaffigilissavat. Atuartitsinermi Clevertouch smartskærme atortarpavut. Ukiumi atuarfiusumi matumani klassit tamaasa IT-kassilersorneqarput atuartitsinermi atugassamik.
Alloriarfiit tamarmik immikkut aallussassaqartarput, ukiup atuarfiusup ingerlanerani sukumiisumik suliarineqartartut.
Ilinniartitsissutini, alloriarfinni klassenilu suleqatigiikkuutaani aalajangersimasumik ataatsimiittarpugut pilersaarusiorniarluta, ataqatigiissaariniarluta tapersersoqatigiinniarlutalu.
Nanortallip Atuarfiani ataatsimoorluni kivitsineq pingaartinneqarluinnarpoq. Ilinniartitsisut amerlanngitsunnguuvugut annertuumik akisussaaffeqarluta, taavalu atuartut ilinniagassatigut inuttullu tapersersorumallugit suleqatigiinnermik pingaartitsilluartuulluta.
Neqeroorutigaavut suleqatitsialaat tunniusimasut, misilittagalinnik siunnersorteqarlutik ingerlalluarnissamik ilinniartitsinermillu pingaartitaqartuusut, tapersersuinissamut isummersoqataanissamullu piareersimasut.
Suleqatigiilertussatut naatsorsuutigaarput:
- Ilinniartitsisutut ilinniarsimasuunnissaq
- Sullivimmi avatangiisit toqqissimanarnissaat pillugu peqatigiilluarnermik pilersitsisinnaasutit.
- Nassaarsiullaqqipputit isumassarsiullaqqillutillu, aammalu atuartitsinerup, ilisimasanik siammarterinerup suleqatigiinnerullu ineriartortinneqarnissaannut peqataajumassuseqarlutit.
- Ulluinnarni allanngorarfioqisuni ilungersuutissaqarfioqisunilu suliassat qitiusut iperarnaveersaarsinnaagitit.
Meqqanik pinerliisimannginnermut uppernarsaat
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommunip meeqqanut pinerliisimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Akissarsiatigut atorfinitsitaanermilu atugassarititaasut
Atorfininnermi uku najoqqutarineqarput: Naalakkersuisut aamma nunatsinni Ilinniartitsisut Kattuffiata IMAK-ip kiisalu Kalaallit Nunaanni Meeqqat atuarfiata akornanni isumaqatigiissutaat 27. august 2014-imeersoq aamma Naalakkersuisut IMAK-illu pingaarnertut isumaqatigiissutaat 28.10.1998-imeersoq najoqqutaralugu.
Atorfimmut atasumik ineqartinneqarneq
Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.
Atugarisat iluatinnartut tunngavigalugit atorfinitsitsineq
Naalakkersuisut aamma IMAK-ip isumaqatigiissutaat 25. maj 2021-imeersoq najoqqutaralugu atorfinitsitsisoqassaaq. Qinnuteqartunut Kalaallit Nunaanni tjenestemandioreersunut tunngatillugu atorfinitsitseriaaseq taanna ingerlateqqinneqassaaq.
Qinnuteqartut piukkunnaateqartut kajumilersinniarlugit immikkut sivisussusileriikkamik atorfinitsitsinissaq isumaqatigiissutigalugu atorfinitsitsinissaq neqeroorutigineqassaaq. Ukiuni aalajangersimasuni atorfinitsinneqarnermi isumaqatigiissutip kinguneraa atorfeqalerernermi qaammatit aqqaneq-marluk qaangiutereernerini inatsisit atuuttut najoqqutaralugit atorfinitsinneqartoq taassumalu ilaqutai akiliunneqarlutik feeriarsinnaammata. Tamatuma saniatigut 1991-imi aningaasartat naapertorlugit atorfinereernerup kingorna ukiumoortumik soraarnermi immikkut pissarsiassaq 18.000 koruuninik nalilik tunniunneqartassaaq, taakkulu aningaasat kontumut matoqqqsumut ikineqassapput. Soraarnermi aningaasat immikkoortinneqartut soraarnerup kingorna tunniunneqassapput.
Atorfinikkiartornermi angalaneq
Atorfininnermut tunngatillugu atorfinerlaanut taassumalu ilaqutaanut akeqanngitsumik angalanissaq isumagineqassaaq, aammalu minnerpaamik ukiuni pingasuni atorfeqareerneerup kingorna inatsisit atuuttut najoqqutaralugit soraarnermi angalanissaq kisalu pigisat assartorneqarnissaat akiliunneqassallutik.
Paasissutissat allat: Atorfinnut tunngassutilinnik paasissutissanik tamanut atuuttunik perusukkuit kiisalu qinnuteqarnissamut immersugassamik perusukkuit uunga saaffiginnissaatit: Atuarfiup pisortaa Nicolaj Lykke: Nily@kujalleq eller 61 47 51
Qinnuteqaatinut immersugassaq
Uatsinni ilinniartitsisunngorusullutit soqutiginnilersimaguit, qinnuteqarfissamik nassiussivigissavatsigit.Qinnuteqarnermi immersugassaq pinngitsoorani atorneqartussaavoq.
Qinnuteqaat pineqaatsissinneqarsimannginnermut uppernarsaatitalik, ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Ilinniartitsisutut atorfiit.
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik ULLOQ ALLAGUK.
MALUGIUK: Qinnuteqaatit pappilissatigut mailikkulluunniit tiguneq ajorpavut, inussiarnersumik qinnuteqaatit nittartagaq aqqutigalugu nassiunniunneqassapput PDF-fil imaluunniit Word-fil-inngorlugit nassiunneqassallutik.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: novembarip 16.-at, 2026
