Peqqissaavimmi suliassat pingaarnertut tassaapput illoqarfimmi nunaqarfimmilu innuttaasunik nakorsiartitsineq, uninngasunut qulinut inissaqarpoq nakorsiallu nappaataat assigiinngillat, peqqissaavik ajoqusersimasunut nakorsiartitsiviuutigaluni uninngaviusarpoq. Taamaammat ajoqusersimasunut nakorsiartitsivimmi suliassanik, nakorsianik innersuussinermik uninngasunillu paaqqutarinninnermik suliaqartussaasassaatit.
Maani Nanortalimmi ilaanni nakorsamik ilaqarnata sulisarpugut, taamaattoqartillugu qarasaasiakkut nakorsiartitsissut atorlugu Nuummi nakorsanit ikiorneqartarpugut.
Qaqortumi Peqqinnissaqarfik Kujataani qitiusumik napparsimmavik, Nanortalimmiit avannarpasinnerusumiittoq, qanimut suleqatigineqarpoq.
Neqeroorutigaagut:
- Peqqissaanermi suliassanik suugaluanik suliaqarnissamut periarfissinneqarneq
- Suliffik ilinniakkat akimorlugit qanimut suleqatigiinnermik pingaartitsiviusoq
- Suleqatit pimoorussisut nuannersut piginnaanillillu
- Ilinniakkat akimorlugit suleqatigiinneq immikkullu piginnaaneqarfitsinnik atuilluarneq
- Ulloq unnuarlu pingasunut avillugu sapaatillu ak. naaneri allortarlugit pigaartuusoqartarpoq
Pissarsiariniagarput:
- Ajornanngippat ukiualunnik misilittagaqarpoq.
- Naminersorluni tamatigoortunik suliaqarnermik nuannarisaqarpoq
- Sullivimmi pitsaasunik avatangiiseqarnissamut suleqataarusuppoq
- Pimoorussisuuvoq, piumassuseqarpoq ilinniagaqassutsikkullu inerisaanissamut peqataarusulluni.
Uagut:
Tatiginninneq, ataqqinninneq tungiuineq ilinniagaqassuserlu tassaapput naleqartitagut, ullut tamakkiallugit sulinitsinni innutatsinnut sulisullu akunnitsinni aallaavigalugillu najoqqutarisagut.
Peqqissaavik anertunngitsoq katillugit 17-it inutsiarlugit sulisoqarpoq. Nanortalimmi peqqissaavik nunatsinni kujasinnerpaajulluni, nunakkut angalaaffissaqqissumi angallammillu immakkut angalaaffissaqqissumi, inissisimavoq. Illoqarfik Unescop nunarsuatsinni eriagisassatut kingornussat nalunaarsorsimaffianniittumut qanittumiippoq.
Nanortalik qeqertamiippoq, qulimiguulimmit immakkullu angallatinit tikinneqarsinnaalluni.
Nanortalik 1.185-it pallingajaatunik inoqarpoq pingasunillu nunaqarfeqarluni.
Atorfinivissut qammammut tapisiaqarput
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1/11-2026 immikkulluunniit isumaqatigiissuteqarnikkut
Qinnuteqarfissaq kingulleq: 15/10-2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Immikkoortortami peqqissaasuuneq Helga Petersen oqarasuaatikkut: (+299) 61 4602 imal. mailikkut: HELU@PEQQIK.GL /imal.qitiusumik immikkoortumi peqqissaasutut qullersaq Anniita Lund Lynge mailikkut: ANLU@PEQQIK.GL imal. oqarasuaatikkut: (+299) 647615 attavigalugit pissarsiarineqarsinnaapput.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
