Nanortalimmi allaffissornikkut aqutsisoq
Nanortalimmi allaffissornermi siuttoorusuppit, kommunilu ingerlalluartoq, inunnut qanittoq ataqatigiissorlu pilersitseqataaffigerusuppiuk?
Kommune Kujalleq tunniusimasumik iliuuseqarnissamullu sapiitsumik Nanortalimmi allaffissornikkut aqutsisussarsiorpoq. Qitiusumik aqutsisuussaatit najukkami allaffissornerup ingerlalluarnissaanik, innuttaasut pitsaasumik sullinneqarnissaannik, kiisalu kommunimi suliassaqarfiit assigiinngitsut suleqatigiilluarnissaannut akisussaaffeqarlutit.
Allaffissornikkut aqutsisutut innuttaasut, sulisut, aqutsisut kiisalu qinikkat akornanni pingaarutilimmik akunnermiliuttuussaatit. Suliffimmi najukkamilu saqqummilaassaatit, tamatumalu peqatigisaanik kommunip anguniagai aalajangiinerilu najukkami timitalersinnaassallugit.
Taamaammat aqutsisumik malinnaalersitsisinnaasumik, sammiliisinnaassusilimmik kiisalu inunnik suleqatigiilersitsisinnaassusilimmik ujarlerpugut.
Nanortalimmi qitiusumik inissisimaffik
Allaffissornikkut aqutsisutut Nanortalimmi nunaqarfittaanilu allaffissornermut innuttaasunillu sullissinermut pingaarnerusutigut akisussaassaatit.
Kommune Kujallermi pisortaanerit, ingerlatsivinni pisortat, sulianik aqutsisut aqutsisullu allat qanimut suleqatigissavatit. Suliassavit pingaarutillit ilaat tassaavoq kommunip suliassaqarfii assigiinngitsut ataqatigiilersissallugit, tamatumalu peqatigisaanik sinaakkutaasut iluanni innuttaasut sapinngisamik qanillugit aalajangiinerit pisarnissaat qularnaarniassallugu.
Ullut suliffitit allanngorartuassapput. Aqutsineq, aningaasaqarneq, qinikkanik sullissineq, ataqatigiissaarineq, ineriartortitsineq kiisalu ajornartorsiutit aalajangersimavissut suliarisassavatit, taamaammallu aalajangiisinnaassuseqarlutillu pissutsit malinnaaffigisinnaassavatit.
Akisussaaffitit pingaarnerpaat
Allaffissornikkut pisortatut illit makku ilaatigut akisussaaffigilissavatit:
- najukkami allaffik innuttaasunillu sullissivik siulersorlugillu ineriartortissavatit
- innuttaasut suliamik ilisimasaqarluni pitsaasumillu kiisalu ammasumik sullinneqarnissaat qularnaassavat
- kommunip ingerlatsiviini suliaqarfiinilu tamalaani suleqatigiinneq pitsaasoq pilersissavat
- aningaasanik aqutsilluarnissaq, missingersuutit malittarineqarnissaat kiisalu aningaasanik sulisunillu akisussaassusilimmik atuinissaq qularnaassavat
- opitsaassuseq, uppernarsaasiisarneq, suleriaatsit allaffissornikkullu suleriaatsit malinneqarnissaat isumagissavat
- inatsisit atuuttut, malittarisassat kiisalu kommunip maleruaqqusaasa malinneqarnissaat qularnaassavat
- suliatigut aaqqissugaanikkullu ajornartorsiutit suussusii paasiniartassavatit aaqqinniarneqarnissaallu isumagisassallugu
- politikkikkut aalajangikkat kommunillu siunissamut anguniagaasa piviusunngortinneqarnissaat suleqataaffigissavat
- ineriartortitsiniutinut kiisalu kommunip sullissineranik pitsanngorsaatinut peqataassaatit
- suliffiup iluani attaveqatigiinnerup pitsaasuunissaa kiisalu pisortaanerit aqutsisullu allat naleqquttumik ilisimatinneqartarnissaat qularnaassavat.
Tamatuma saniatigut najukkami innuttaasunik sullissivik akisussaaffigissavat, soorlu missingersuutinut akisussaaneq eqqarsaatigalguu, kiisalu allaffeqarfimmi sulisut attuumassuteqartut aqutsisutut akisussaaffigissallugit.
Qinikkanut innuttaasunullu qanittumik sulineq
Atorfimmuttaaq ilaapput politikkikkut najukkamilu ataqatigiissaarinerit.
Nanortallip eqqaani nunaqarfinnik aqutsisut allattoqarfiat ilaatigut suleqatigissavat kiisalu Nanortalimmi najukkami ataatsimiititaliat suliassani attuumassuteqartuni suleqatigisassallugit. Tamatuma saniatigut suliassanik saqqummiussissusiornermut inassuteqaasiornermullu kiisalu Nanortalimmi nunaqarfinnilu politikkikkut pisut aaqqissuussinerillu ataqatigiissaarlugillu piareersartassavatit.
Allaffissornikkut aqutsisutut pisunut malinnaanissat pingaaruteqarpoq. Innuttaasut, sulisut nunaqqatigiillu akornanni pisut soqutigissavatit, taavalu ilisimasat taakku kommunip sulineranut iluaqutissanngortinniartassallugit.
Kinaavit?
Takorloorparput aqutsinermik misilittagaqartutit ajornangippallu naleqquttumik aqutsisutut ilinniagaqarsimasutit. Sulileqqaarninnit piumasaqaatit tamakkerlugit naammassisimasariaqanngilatit. Pingaarnerpaajuvoq akisussaaffimmik tigusinissat, tatiginnilersitsinissast kiisalu sammiviliinissat.
Pingaartipparput illit:
- sulisunik siulersuineq misilittagaqarfigigit aammalu tunniusimanermik malitseqarnermillu pilersitsisinnaassuseqartutit
- aningaasaqarneq, missingersuusiorneq naatsorsuuserinerlu paasisimasaqarfigigitit
- pisortani allaffissornikkut ingerlatsineq inatsisillu attuumassuteqartut misilittagaqarfigigitit imaluunniit paasisimasaqarfigigitit.
- peqqissaarlutit sulisartutit pisassarpassuaqalerneranilu paatsiveerutsiaatsuullutit.
- aalajangiisinnaassuseqartutit naammassinissaallu isumagisarlugu
- erseqqissumik ataqqinnittumillu attaveqartartutit
- assigiinngitsunik sulialinnik suleqateqarnermi periarfissanik takunnissinnaasoq
- ineriartortitsinermut sammisuusutit suleriaatsinullu nutaanut ammasuusutit
- sulisut, innuttaasut suleqatillu akuersaartumik aaqqiiniartumillu naapittaritit.
Suliffimmit politikkikkut aqutaasumit misilittagaqaruit inuiaqatigiillu kalaallit ilisimasaqarfigigukkit iluaqutaassaaq.
Neqeroorutigaagut
Soqutiginartumik akisussaaffeqarfiusumillu aqutsisutut atorfeqalissaatit attaveqarfippassuaqassallutit, kiisalu Nanortalimmi kommunip sullissineranut ineriartorneranullu sunniuteqarnissannut piviusumik periarfissaqalissallutit.
Kommune Kujallermi aqutsisoqatigiinnut tamanut ilaalissaatit taavalu allaffissornikkut politikkikkullu aqutsisut qanimut suleqatigissallugit.
Nanortalimmissaaq suliffiit inissisimassaaq – taanna Kujataata pinngortitami immikkuullarissup qeqqani ippoq, nunaqatigiinni illoqarfiup nunaqarfiullu akornanni ataqatigiinneq malunnarluartuulluni.
Kommune Kujalleq pillugu
Kommune Kujalleq nunatsinni kommunit kujallersaraat, tassaniippullu illoqarfiit Narsaq, Qaqortoq Nanortalillu kiisalu nunaqarfiit aqqanillit.
Kommune nunatamigut siammasippoq, nunallu angissusia pissutigalugu najukkami najuunnissat, suleqatigiinnerit kiisalu suliassat aaqqinniartarnissaat pillugu periarfissarsiullaqqinnissaq pingaaqaaq.
Inuussutissarsiortut ilaatigut tassaapput aalisarneq, takornariartitsineq, nunalerineq kiisalu najukkami inuussutissarsiutit. Taamaammat Nanortalimmi allaffissornikkut aqutsisut nunaqqatigiinnut kommunimullu uummaarissunut, periarfissaqarlutillu pisariusunik suliassaqarfiusartunut ilaalissaatit.
Akissarsiat atorfinitsitaanermullu tunngasut
Atorfik ASG-ip isumaqatigiissutaani akissaateqarfiit 36-ianni inissisimasutut aalajangigaavoq.
Akissarsiat atorfinitsitaanermilu atugassarititaasut (atorfininnermi soraarnermilu angalanivit akilerneqarnera pisattavillu angallanneqarnerinik akiliunneqarsinnaatitaanitit piffissami atorfiniffiviup nalaani isumaqatigiissut imaluunniit Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut naapertorlugu aalajangersarneqassapput.
Ineqarneq
Atorfimmut atatillugu inigisassamik innersuussisoqarsinnaavoq. Malittarisassat atuuttut naapertorlugit inigisamut qularnaveeqqummullu akiliisoqartassaaq.
Annertunerusumik paasisaqarusuppit?
Atorfimmut tunngatillugu apeqqutissaqaruit attavigisinnaavat:
Kommunip pisortaanera Randi Vestergaard Evaldsen 64 80 16 – E-mail: rave@kujalleq.gl
Qinnuteqarneq atorfininnerlu
Sulilerfissaq: erseqqinnerusumik isumaqatigiissuteqarnikkut piaarnerpaamik – oqaloqatigiinnerit ingerlanneqaqattaassapput Qinnuteqarfissaq: 31. oktobari 2026 Kommune Kujalliup nittartagaani atorfimmik inuttassarsiuusivik atorlugu qinnuteqaatit qarasaasiakkut nassiutissavat.
Qinnuteqaat ilinniagarisimasanik siusinnerusukkullu suliffigisimasanik naleqquttunik paasissutissartalerneqassaaq kiisalu uppernarsaatitalerneqassalluni, soorlu ilinniarnermut uppernarsaatit sulisitsisullu oqaaseqaataat kommunip piumasaqaatigisartagai atuuttut naapertorlugit.
Malugalugu: Qinnuteqaatit emailikkut pappiaranngorlugilluunniit tiguneqarneq ajorput.
