Atorfik sap. akunneranut piffissami tamakkiisumik nal. ak. 40-ni atorfiuvoq.
Ulluni atugarisani tamani nal. 08:00-16:00-imi sulisoqartarpoq. Peqqissaaviup uninngatitsiviani sap. akunneri 6-8-kkaani sap. akunnerisa naanerini pigaartuusarnissaq naatsorsuutigineqassaaq, tassalu peqqinnissamut assitentitut imaluunniit peqqissaasutut tunuliaqutaqassaguit.
Atorfik qaammatini sisamat-tallimani taartaaffittut inuttalerneqarsinnaavoq.
Suliassatit tassaassapput nakorsaatinik allagartamik peqarlutik Nakorsaataasivimmut saaffiginnittunik innuttaasunik sulissutaqarnissaq.
Sapaatip akunnikkaartumik inoqarfinnut atasunut pingasunut, illoqarfimmilu Utoqqaat illuannut Neriusaamut nakorsaatinik inniminniisartunut nakorsaatinik nappaatilinnillu paaqqinninnermut atortunik qularnaariniarlutit suleqativit sinnerinik suleqateqartarputit.
Tarnimikkut timimikkullu nappaatilinnut angerlarsimaffimmi peqqissaasoq suleqatigalugu napparsimasunut taakkununnga atasunut nakorsaatit annertussusiligaasut katersortassavatit, nakkutilliinermi aammit misissugassat EKG-nillu inninninnerinik ikiuisassaatit, taakkulu napparsimasuutaasa nakorsaatinik atuinerinik misissuisassallutit, taamaaliornikkut nakorsaasersuinermi isumannaatsuutitsineq siuarsassallugu, aammalu polyfarmacimik (amerlavallaatut nakorsaasersuutinik) pinaveersaarititsillutit. Suliassat tassaavoq ”Kalaallit Nunaanni Peqqinnissaqarfimmi” nakorsaatinut najoqqutassat malittarineqarnerisa qularnaarnissaannik ilitsersuisarneq, tamatumani aamma nakorsanik suleqateqarneq.
Tamakku saniatigut nappaatilinnik paaqqinninnermi atortunik suliassat isumagisassavatit, nakorsaatinik akikinnersiugaasunik akuttoqatigiissaartumik kisitsisassaatit, atorunnaarfissaannik misissuisassallutit, nakorsaatillu pillugit naatsorsuutinik misissuisassallutit.
Nakorsaatinik, paaqqinninnermilu atortunik inniminniinermut tunngasutut suleriaaseq Sisimiuni nakorsaatilerisumik qanimut suleqatiginnilluni pisarpoq, tamannalu aamma tassannga aqunneqarpoq. Ukiumi nakorsaatinik inniminniisarnerni annertuuni nakorsaatilerisoq Maniitsumukartarpoq. Inniminniinerit akornanni Sisimiuni nunap immikkoortuani napparsimmavimmi farmakonominik suleqateqarneq isumasioqateqarnerlu ingerlanneqartuassapput.
Ulluni suliffigisanni nakorsanik, peqqissaasunik, peqqinnissamullu sulisunik allanik qanimut suleqateqassaatit.
Maniitsumi Peqqissaavik tassaavoq peqqinnissaqarfimmi nunap immikkoortuata Qeqqata ilaa, 60-it missaannik atorfeqartitsisoq. Maniitsumi Peqqissaavimmi sumiiffiusumi pisortaqarfiusoq nunap immikkoortuani pisortaqarfimmik suleqateqarpoq, taakkulu Sisimiuni nunap immikkoortuani napparsimmavimmi inissisimaffeqarput.
Makku neqeroorutigaagut:
- Suliamik ilisarititsineq
- Ullut suliffiit tamatigoorlutillu assigiinngiiaartut
- Sumiiffigisami pisortaqarfimmi isumasioqateqarnissamik periarfissaqarluarluni namminersuutigisatut sulineq
- Sullivimmi anersaarissaarneq, suleqatigiinnilu ataqatigiilluarneq
- Piginnaanngorsarneq.
Ima ittutit ujarpatsigit:
- Nakorsaatilerisutut, Peqqissaasutut imaluunniit Peqqinnissamut assistentitut ilinniarsimasoq
- Namminersuutigisaminik sulisinnaasoq
- Sulininni imminut najoqqutassaqartittoq, tulleriiaariniartoq pitsaassutsinillu sianiginnittuusoq
- Pilersaarusiullaqqittoq, suliarisannillu aqutsisinnaasoq
- Unammillerfissanik nutaanik nuannarisaqartoq
Uagut pilluta:
Maniitsumi Peqqissaavik tassaavoq Peqqinnissaqarfimmi nunap immikkoortuata Qeqqata ilaa, sulisunik 60-it missaannik inuttalik. Taakku peqqissaavimmi, nunallu immikkoortuani inoqarfinni peqqissaavinni atasuni pingasuni agguataarsimapput.
Peqqissaaviup uninngatitanut immikkoortoqarfia qanorluunniit ukiulinnut napparsimasunut assigiinngitsunik nappaatimikkut iluseqartunut unitsitanut 18-inut inissaqarpoq, nakorsartitassanut pilattagassanullu, soorlulusooq ilaannikkooriarluni tarnimikkut nappaatilinnik unitsitsisoqartarluni. Immikkoortoqarfimmi sulisuni suleqatigiit tassaapput peqqissaasut 4-5-it, peqqinnissamut assistentit sisamat, aamma peqqinnissamut ikiortit sisamat. Peqqissaasutut ulluunerani unnukkullu pigaartuusassaatit, aamma unnukkut pigaartuunerup kingorna nammineq angerlarsimaffimmit unnuaanerani aggeqqusaasassallutit – nakorsaq tamatumani sillimmatitut pigaartuusarluni. Nal. 16:00-ip aamma 08:00-ip akornanni siniffittalittut immikkoortoq aqqunarsimasunut saaffiginniffittut atuuttarpoq – taamaattorli aqqunarsimasut saaffiginnittarfiannit misilittagaqarnissat naatsorsuutiginngilarput.
Pingaarnertut suliassaqarfigisat saniatigut Peqqissaaviup timimikkut tarnimikkullu nappaatilinnik angerlarsimaffimmi paaqqineqarneri, peqqissutsimik paaqqinninneq, naartusunik isumassuineq, timimik sungiusaaneq, kinguaassiuutitigut nappaatinik naartunaveersaarnermullu nakorsiartarfik, kiisalu nakorsiartitsisarfiit 2-3-nik nakorsartallit ingerlataqarfigai. Tamakku saniatigut tamaaniipput laboratoria, tarrarsortitsivik, peqqissutsikkut paaqqinninnermi nakorsiartitsivik, aqqunarsimasut saaffiginnittarfik/isaatitsisarfik, nakorsaataasivik.
Napparsimasuutitsinnik paaqqinnillunilu akuuffeqarnerup naleqartitanik, soorlu ataqqinninnermik, torersuunermik, akuersaarnermik tatiginninnermillu ittunik imaqarnissaat assut pingaartippagut. Naleqartitat taakku peqqissaavimmi immitsinnik akuuffeqarnitsinnik aamma malunniutaapput.
Maniitsoq annikitsumik:
Kujataani Nuup, aamma Avannaani Sisimiup akornanni qaasuitsup killeqarfiata kujatinnguani Kalaallit Nunaata kitaata sineriaani Maniitsoq inissisimavoq. Maniitsup eqqaa assut kusanarpoq, kangerlunnut qinngortusunut isorartussusilinniittunik qaqqanik portusuunik killavaartunik serminik iigartartulinnik ungalusaalluni. Nunap immikkoortuani innuttaasut 3.800-it missaanniipput, illoqarfimmi 2.800-t missaanniillutik, nunallu immikkoortuani inoqarfinnut pingasunut sinneri agguataaqqallutik. Inoqarfiit ukiumut arlaleriarlutik tikeraarneqartarput, angalanerlu angallatikkut pisarpoq. Illoqarfiup nutaaliatut atoruminarsaatit amerlanerpaat pigai, tamaaniillutik ulluinnarni nioqqutinik pisiniarfiit, nunami namminermi mittarfigisaq, sinersortaammik sap. akunnikkaartumik attaveqarfiit, ukiullu affaani aasakkut Nuummut angallammik sukkasuuliamik aqqutaasartoq.
Aasakkut sunngiffimmi suliat ilaatigut tassaapput nunap immikkoortutsinnik ilaatigut ilisarnaataasunik qaqqani pisuttuarnerit, aamma qipoqqat akornanni angalaarnerit. Ukiup affaani ukiuunerani arsarnerit qilammi pissrralaartuinnaasarput, ullukkullu sisoraatinik sangusaarnernik ujakkaarnernillu periarfissaqarfeqarpoq. Tamakku saniatigut Maniitsumi unnukkut ilinniarfik suliassanik pissanganartunik assigiinngitsunik neqerooruteqarpoq, ukiorlu kaajallallugu timersornikkut suliassat assigiinngiiaartorpassuit periarfissat tamassa.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: Ull. 1. december 2026 imaluunniit isumaqatigiissutigisaq malillugu
Qinnuteqarfissaq kingulleq: Ull. 26. oktober 2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: pisortanut inuttassarsiornermullu siunnersortikkut Ann Birkekær Kjeldsenikkut pissarsiarineqarsinnaapput, e-mailikkut: ABKJ@PEQQIK.GL
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
