Meeqqerivimmi “Tunguusaq”-ni perorsaasussarsiorpoq
Perorsaasutut amigaateqarpugut sulilersussaq Septemberip ulluisa aallaqqaataat 2026 imaluunniit isumaqatigiissuteqarnikkut.
Tunguusaq pillugu
Meeqqerivik “Tunguusaq” meeqqanut 44-nut naatsorsuussaavoq 0-6 ukiulinnut. Sulisut katillugit 12-put, taakkua iluanni pisortaq ilaalluni.
Qaqortumi meeqqeriviit sisamaapput, pisortaasullu suleqatigiilluartuupput pisariaqartitarlu naapertorlugu ikioqatigiinnermik pingaartitsisuullutik.
Qaqortoq illoqarfiuvoq eqqissisimasoq alutornartoq, ukiup ingerlanerani assigiinngitsunik sammisaqartitsiffiusarluni.
Ujartorparput
- Illup siunertaanik malitsitsiniartoq
- Inatsisartut inatsisaat nr 16, 3. dec 2012-meersoq pillugu suliniuteqarneq
- Angajoqqaanik suleqateqarnermi eqqummaarissuuneq
- Perorsaanilerinermik nakkutiginninneq, nutarsaajuarneq
- Suleqatikkuminartoq, tarnikkut timikkullu nukittooq
- Killiliisinnaasoq
- Ajornartorsiutinik qaangiinissamik aqqutissiuisinnaasoq
- Ulapaarfimmi ataatsikkoorussisinnaasoq
- Aqutsinermik misilittagaqartoq
- Meeqqanut asannittoq tunniussimasorlu
Meeqqanut innarliisimannginneq
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Inissaq
Perorsaasutut /isumaginninnermi ikiortitut atorfimmut inissiaq pequsersugaanngitsoq malittarisassat qaqugukkulluunniit atuuttut malillugit innersuussutigineqarsinnaavoq. Inissiamut innersuunneqartumut maleruagassat qaqugukkulluunniit atuuttut malillugit ineqarnermut akimik qularnaveeqqutinillu akiliisoqassaaq. Inigisap qanoq pisoqaatiginera, piginnittoqarnikkut pissutsit il.il. apeqqutaatillugit ineqarnermut akiliut aamma inissiap pitsaassusia assigiinngisitaarsinnaavoq. Sulisunut inissiaq atorfeqarnerup taamaatinnerani qimanneqassaaq. Sulisutut inissamik sivisuumik utaqqinarsinnaavoq, taamaattumik inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.
Attaveqarfigitigut
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissamut tikilluaqqusaavutit
Tunguusami aqutsisoq Pilunnguaq Kleist mail: tunguusaq@kujalleq.gl Imaluunniit sianerlutit oqarasuaat 64 83 42.
Qinnuteqaaat
Qinnuteqaat qulequtserlugu atorfiup ilisarnaataa 38-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqarnermut ilanngullugit, qinnuteqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut ataani link-i, atorfimmi inuttassarsiorneqartumi takusinnaavat.
MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk
Qinnuteqarnissamut killissarititaasoq: Augustip ulluisa 31-iat, 2026
