Ansøgningsfristen for dette job er udløbet. Se ledige job →
Kommune Kujalleq utoqqaat illuanut Luuvikasimmut piginnaasaqarluartumik aalajaatsumillu pisortassarsiorpoq.
Narsami utoqqaat illuani pisortamik 1. oktober 2026 isumaqatigiissuteqarnikkulluunniit atorfinttussamik pissarsiorpugut. Utoqqaat illuat 30-nut inissaqartitsivoq nukittorsarfillu/qasuersaarfik ataaseq. Inissat aqqaneq marluk puigortunut naatsorsuusaaput sinnerilu minnerusumik annerusumilluunniit paaqqutarineqartariaqartunut.
Utoqqaat illuat 60 miss.sulisoqarpoq; sundhedsassistenter, sundhedshjælpere, social-sundhedshjælpere, ernæringsassistenter, ernæringshjælpere kiisali ilinniarsimanngitsut.
Luuvikasimmi pisortatut immikkoortortaqarfinni aqutsisut peqatigalugit utoqqaat illuata ingerlanneqarnera akisussaaffigissavat, suliffeqarfiuvoq assigiinngitsorpassuarnik ilinniakkatigut suliassatigullu sammisalik. Pingaaruteqarpoq pisortatut ersarissuunissat kiisalu aqutsinikkut, uummateqarnikkut, suliatigut ilisimasaqarnikkut ingerlalluarnikkullu siuttuunissat pingaaruteqarpoq.
Pissarsiorpugut:
- Peqqissaasumik imal. peqqinnissaqarfimmut tunngasumik allamik ilinniagalik
- Utoqqarnut tunngassutilinnut nalinginnaasunik sulianik misilittagaqartoq aqutsinermilu misilittagaqartoq
- Suleqatikkuminartumik allannguinissamut ineriartortitsinissamullu piumassuseqarlumik
- Nutaaliorsinnaassuseqartumik nuannersumillu eqqarsarsinnaasumik
- Ilinniagalittut ilinniagaqanngitsutullu suleqataasinnaasumik
- Malinnaasinnaalluartumik immikkoortortaqarfiillu akornanni suleqatigiinnermik ataqatigiisaarisuusinnaasumik
- Missingersuutinik aningaasaqarnermillu malinnaasinnaasumik
Neqeroorutigaavut:
- Innuttaaqatitsinnut utoqqarnut isumaginninnerup nukittorsarnissaanut ineriartortinnissaanullu periarfissiineq
- Ulluinnaat taakkunani ullut marluk assigiineq ajorput
- Aqutsisoqatinik isumasioqatigiinnissamut periarfissaqarluarneq
- Inuttut ilinniakkatigullu ineriartornissamut periarfissaqarneq
- Sulisunik tunniusimalluartunik pikkorissunillu suleqateqarnissamut periarfissaqarneq
Aqutsisup toqqaannartumik utoqqarnut tunngasuni ingerlatsinermut pisortaq qullersarissavaa.
Atorfik pillugu atorfiullu nassuiarneqarneranik paasissutissanik sukumiinerusunik perusukkuit ingerlatsinermut pisortaq Helga Kleist mailimut uunga: heke@kujalleq.gl oqarasuaammulluunniit uunga 648037 attavigiuk, peqqinnissamut sulianut tunngatillugu Naja Kriegel mailimut uunga: njkr@kujalleq.gl oqarasuaat 541154 attavigineqarsinnaavoq.
Pinerlussimannginnermut uppernarsaat: Atorfik una pinerlussimannginnermik allagartamik paasiniaanissamut inatsimmit pisussaatitaavoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.
Akissarsiat atorfinitsitaanermilu atugassarititaasut: Namminersorlutik Oqartussat aamma kattuffiup isumaqatigiinniarsinnaatitaasup isumaqatigiissutaat sukkulluunniit atuuttut naapertorlugit akissaasersuisoqassaaq atorfinitsitaanermilu atugassaqartitsisoqarluni. Atorfinitsitsineq qaammatini pingasuni misiliutaaqqaassaaq.
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il.il. Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni matumani atuineq il.il. pillugit ini A/S-imut innersuussisoqarpoq.
Sulisunut inissiamik aatsaat innersuussisoqarsinnaanngorpat atorfinitsitsisoqarsinnaavoq. Atorfininnermi angalanermut pequtillu nassiunnerinut malittarisassat atuuttut naapertorlugit akiliussineq pissaaq.
Qinnuteqaat. Qinnuteqaat ilinniagarisimasat aamma siornatigut suliffigisimasat pillugit paasissutissat, soraarummeernermi pappilissat assilineqarneri il.il. qinnuteqaateqarnissamut killissarititaasup qaangiutinnginnerani Sulisoqarnermut Immikkoortortaqarfimmit tiguneqareersimassapput.
Imatut qinnuteqassaatit:Qinnuteqaat mailikkut uunga nassiunneqassaaq: job@kujalleq.gl
Qinnuteqaat kommunip kingusinnerpaamik aggustip 27. ani 2026 tigoreersimassavaa.
Kommune Kujalleq
Sulisoqarnermut Immikkoortortaqarfik
Postboks 514
3920 Qaqortoq
Qinnuteqarnissamut killissarititaasoq: aggustip 26.-at, 2026
