Kommune Kujalleq Qaqortumi kultureqarnermut sunngiffimmilu pisortamik takussaasumik tunniusimasumillu pissarsiorpoq
Kulturilerinermut misigissuuseqarpit, Kommune Kujallermilu timersornermut, peqatigiiffeqarnermut kulturikkullu sammisassaqartitsinermut sinaakkutissanik nukittorsaaqataarusuppit? Kulturimut timersornermullu pisortamik takussaasumik ujartuisartumillu oktobarip ulluisa aallaqqaataa 2026 imaluunniit isumaqatigiissuteqarnikkut atorfinittussamik ujaasivugut.
Atorfik Ulluunerani neqeroorutini Atuarfimmullu inissisimavoq, Kulturimut Sunngiffimmullu immikkoortortaqarfimmi pisortaaneq qullersaralugu. Kultureqarnermut sammisassaqartitsinermullu aqutsisutut kommunip kulturiata, sammisassaqartitsiviit illoqarfitsinnilu suliniutit suliassaqarfianni ilisimasaqarluartutut ingerlatsisutullu akisussaaffik tigummissavat, innuttaasut peqatigiiffiit pinngorartitsisutullu avatagiisit qanimut oqaloqatigisassallugit.
Pingaarnertut akisussaaffeqarfiit:
- Kulturikkut ineruartorneq politikkilu: Qaqortumi eqqaanilu kommunip kulturikkut sunngiffimmilu politikkianik pilersaarusiornermut sunngiffimmi sammisassaqartitsivinni innuttaasutullu ilisimasanik tunniussineq pillugit pilersaarutinik pilersitsinermi peqataalluarneq.
- Ingerlatsineq aqutsinerlu: Katerittarfik, atuakkanik atorniartarfiup, inuusuttut ornittagaata kiisalu sunngiffimmi sammisassaqartitsiviit (tassunga nipilersortarfik sanaluttarfillu ilanngullugit) ulluinnarni aqunneqarnerat isumagissallugu. Sukisaarsaartarfiup pisortaanut, akunnermusiaqartunut atortorissaarnermilu sulisoqarnermi sulisoqarnikkut akisussaaffeqassallutit.
- Susoqartitsinerni, ulluni pingaarutilinni sunngiffimmilu ilinniartitsineq: Kulturikkut aaqqissuussinerni ullunilu pingaarutilinni suliniuteqarluni, pilersaarusiorlugu naammassillugulu. Meeqqanut inersimasunullu sunngiffimmi ilinniartitsinerit aaqqissuunneqarnerat ingerlanneqarneralu
- Peqatigiiffiit suliniuteqartullu attaveqarfiginerat: Kulturikkut inuunerup kommunimut attaveqarfiata pingaarnersaarineqarnissaa. Eqqumiitsuliortunut, peqatigiiffinnut suliniuteqartunullu suliniutinik pilersitsinermut aningaasaliissutissatigullu periarfissanut siunnersuisarneq, kiisalu qinnuteqaatinik suliarinninneq naliliisarnerlu.
- missingersuutit aningaasaqarnerlu: Kommunep malittarisassai malillugit ingerlatsinermut suliniutinullu aningaasaqarnermut nammineq akisussaaffigisap iluani pilersaarutinik piareersaaneq nakkutilliinerlu, uppernarsaatitaliorneq aningaasartuutinullu akiliuteqarnissamik aningaasaliissutinik tunniussineq.
- Politikkikkut allaffissornikkullu isumasioqatigiinneq: Sulianik aqutsisumut ilisimasatigut tunniussassanik suliaqarnissaq suleqatinullu tapiissutit malittarisassaasa allanngortinnissaat pillugu isumasioqatigisarnissaat il.il.
Naatsorsuutigaarput:
- Ilinniagaqarneq misilittagaqarnerlu: Kulturimut saqqummersitsinermut, najoqqutassanik aaqqissuussinermut, kulturisociologimut assigisaanulluunniit ingerlataqarfimmi ilinniagaqarsimassaatit – imaluunniit kulturikkut sunngiffimmilu tunngasuni aqutsineq pillugu misilittakkanik ersarissunik uppernarsarsinnaasanillu tunngavissaqarluartunik peqassaatit.
- Attaveqaatit attaveqaqatigiinnerlu: Attaveqaasiorsinnaalluarlutillu aaqqissuussaqataasinnaavutit attaveqaqatigiilluarsinnaallutillu – najukkami piniartumiit eqqumiitsuliortunut piginnaanilinnut.
- Suleriaaseq: Immineerlutit sulisinnaallutit, naleqqussarsinnaallutit, torersuullutit ulluinnarnilu suliassanik arlalinnik ataatsimut aqussinnaasutut sulisinnaallutit.
- IT: Atuisutut nalinginnartut atuisinnaassaatit (ingammik Microsoft Office atugassiai).
- Oqaatsit: Allattariarsornikkut oqaluttariarsornikkullu kalaallisut danskisullu piginnaasaqarnissat piumasaqaataavoq.
Akissarsiatigut atorfinitsitsinermilu atugassarititaasut:
- Atorfinitsitsinerup qanoq ittuunera: Atorfeqartitaaneq tamakkiisoq, (sap. ak. akunnerit 40-t)
- Sulineq pillugu isumaqatigiissut: Akissarsianut atorfinitsitsinermullu tunngasut IMAK-p Naalakkersuisullu akunnerminni isumaqatigiissutaat atuuttut naapertorlugit atuutissapput.
- Meeqqanik pinerliisimannginnermut pineqaatissinneqarsimannginnermullu uppernarsaat: Atorfik una meeqqanik innarliisimannginnermut aamma pineqaatissinneqarsimannginnermut uppernarsaatinik pissarsinissamut piumasaqaateqarfiuvoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfininneq aallartissinnaavoq.
- Suliffik pujortarfiunngitsoq: Kommune Kujalleq kommunip suliffiini tamani sulinerup nalaani pujortartannginnissaq atuutilersinnikuuaa.
Qinnuteqarneq attavissarlu:
Atorfimmut sukumiinerusumik paasissutissat Kulturimut Timersornermullu sulianik pisortaq Kim Larsen kila@kujalleq.gl
Qinnuteqaat CV, ilinniagaqarsimanermut uppernarsaat suliffigisimasallu nalunaarsornerat assilineri PDF-ilinngorlugit il.il. kommunimut tunniunneqariissapput septembarip ulluisa qulingat 2026
MALUGIUK: Pappiaqqanik mailikkulluunniit qinnuteqaatit tiguneq ajorpavut. Qinnuteqaatit elektroniskimit atorfimmik inuttassarsiuinermi nittartagarput atorlugu nassiuguk.
Qinnuteqarnissamut killissarititaasoq: septembarip 10.-at, 2026
