Kommune Qeqertalimmi Timi Tarnip suliassaqarfiata ineriartortinneqarnerani siuttoorusuppit?
Timi Tarni-imut ingerlatsivimmi pisortassarsiorpugut qitiusumik pisortatut atorfimmut. Pisortaaneq qaninnertut pisortarissavat. Atorfik Aasianniippoq, kommunillu illoqarfiinut sisamanut nunaqarfiinullu arfineq pingasunut atuuppoq. Ilinniartitaanermut, meeqqeriveqarnermut kiisalu sunngiffimmut tunngasunut ingerlatsineq, ineriartortitsineq, oqartussaasutut suliassat, aningaasaqarneq politikerinillu sullissineq ataatsimut akisussaaffigissavatit, ingerlatsiviullu nutaap pilersinneqarnissaanut siuttuussallutit, ersarissumik aqutsineq suliamullu pitsaassuseq qaffasissoq tunngavigalugit. Tamatumani periusissiornikkut aqutsinissamut periarfissaqassaatit, ulluinnarnilu pinngortitamut, ataatsimoornermut akisussaaffimmullu qanittumik sulissallutit.
| Qitiusumik pisortatut atorfikPisortaaneq qaninnertut pisortaralugu, politikerillu qanimut suleqatigalugit. | Aqutsinermi akisussaaffikIngerlatsivimmi pisortaq aqutsisoqatigiinnut ukuninnga: fagchefinik marlunnik inuttalimmut |
| SuliassaqarfiitAtuarfiit, meeqqeriviit aamma sunngiffimmut tunngasut. | SumiiffikQinnuteqartut kommunip illoqarfiisa sisamaasut arlaanni najugaqartut atorfik najugarisaminni aallaaveqarlutik isumagisinnaavaat, akisussaaffik kommunimut tamarmut atuutissalluni. |
Makkununnga akisussaaffeqalissaatit
·Timi Tarni ingerlatsivimmik ataatsimut aqutsineq, ingerlatsineq, ineriartortitsineq, oqartussaasutut suliassat, aningaasaqarneq politikerinillu sullissineq akisussaaffigalugu
·qitiusumik aqutsisoqatigiinnik aqutsineq, atuarfinnut meeqqerivinnullu fagchefi kiisalu kulturimut, sunngiffimmut peqqissutsimullu fagchefi peqataatillugit
·atuarfeqarfiup, ulluunerani neqeroorutit sunngiffimmullu suliassaqarfiup ineriartortinneqarnerat, pitsaassuseq, atugarissaarneq, oqaatsit, aqutsinerup ineriartortinneqarnera kiisalu kommunimi tamarmi ataqatigiinneq pingaartillugit
·oqartussaasutut suliassat inatsisinut naapertuuttumik piffissarlu eqqorlugu suliarineqarnissaasa kiisalu sulianik suliarinninnermi ingerlatsinermilu periutsini pitsaassutsimik qulakkeerinninneq
·ingerlatsiviup aningaasaqarneranut, aningaasaqarnikkut aqutsinermut nalunaarusiortarnermullu ataatsimut pingaarnertut akisussaaffik
·politikerinik sullissineq, sulianik saqqummiussissutit, saqqummiussassat malitseqartitsinerillu pitsaassusilimmik suliarineqarnissaat
Takorloorparput
·ilinniartitaanermut, perorsaanermut imaluunniit suliassaqarfimmut assingusumut tunngatillugu aqutsinermik qajannaatsumik misilittagaqartutit
·suliffeqarfimmi politikikkut aqunneqartumi, ajornanngippat kommunimi, misilittagaqareersutit
·politikikkut sullissinerup, ingerlatsinerup, misissueqqissaarnerup aamma akimortumik ataqatigiissaarinerup akornanni isumannaatsumik ingerlatsisinnaasutit
·aqutsisut allat aqqutigalugit aqutsisinnaavutit, aaqqissuussaanermilu suli ineriartortinneqartumi suleqataarusussuseqalersitsisinnaallutit
·aaqqissuussamik sulisarputit, ataatsimut isiginninneq najukkanilu pissutsit piviusut illoqarfiit nunaqarfiillu akimorlugit eqqumaffigalugit
·kalaallisut qallunaatullu attaveqarsinnaaguit iluaqutaassaaq, ajornanngippallu tuluttut
Pingaartipparput
·torersumik pissuseqarneq, ilumoorluni tunniusimaneq aamma politikikkut allaffissornikkullu akisussaaffiup agguataarneqarsimaneranik paasinnissimanissaq
·aqutsinermi eqqissisimasuuneq, attaveqarneq ersarissuunerlu
·kalaallit ileqquinik ataqqinninneq, soorlu unneqqarissuuneq, ikiuiumatuneq, qajannaassuseq ataatsimoornerlu pillugit pingaartitsineq
·kommunip ulluinnarni ingerlanneqarnerani ineriartorneranilu ersarissumik peqataarusussuseqarnissaq
Suliffimmi inuuneq misigisassarpassualik
Kalaallit Nunaanni pinngortitaq ulluinnarsiutaavoq. Ullormut sulineq naagaangat sunngiffimmi qimusserneq, imaani angalaarneq, qamuteralanneq, aalisarneq, pisuttuarneq, arsarnerit seqinerlu kaaviinnartoq sukisaarsaatigineqarsinnaapput.
| Paasissutissat·Kommunip pisortaanera qullersarissavat kommunimilu pisortaqatigiinnut ilaassallutit.·Suliffissaq Aasianniippoq, akisussaaffilli kommunimut tamarmut atuuppoq.·Pisariaqartitsineq naapertorlugu kommunip iluani angalasarnissaq naatsorsuutigineqassaaq.·Namminersorlutik Oqartussat kommunillu akornanni pisortanut isumaqatigiissut naapertorlugu, atorfik akissarsiatigut immikkoortortami pisortap qaffasissusia 1-imut inissinneqassaaq. |
Kommune Qeqertalimmi pitsaassutsimik, ataqatigiinnermik sammivimmillu pilersiteqataarusuppit?
Taava aajuna pisortatut atorfik akisussaaffilik, avammut alakkaamatitsisoq misigisassaqarfiusorlu.
Pinerlussimannginnermut uppernarsaat:
Atorfimmut uunga atatillugu pineqaatissinneqarsimannginnermut uppernarsaammik pissarsinissaq inatsisitigut pisussaaffiuvoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.ini@ini.gl
Atorfininnermut atatillugu sulisorisanut inissiamik ataavartumik atugassiisoqarsinnaanngippat sulisunut utaqqiisaasumik inissiamik innersuunneqarsinnaatitaasunut utaqqiisaasumik inissiamik neqerooruteqartoqassaaq, tamatumani ineqarnermut akiliut, atuineq il.il. aamma ajunngitsorsiassat sorliit akileraarutaasarnersut, siuliani allassimasut naapertorlugit akilerneqartassallutik.
Sulisunut inissiaq atorfeqarnerup naanerani qimanneqassaaq.
Atorfik pillugu apeqqutissaqaruit kommunaldirektør Alida C. Rafaelsen oqarasuaatikkut +299 387002 imaluunniit e-mailikkut alra@qeqertalik.glattavigisinnaavat.
Qinnuteqarfissaq kingulleq tassaavoq ulloq 14. Juni 2026, atorfinitsitsinissaq 1. Juli/august 2026-imi pissalluni imaluunniit erseqqinnerusumik isumaqatigiissuteqarnikkut.
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaativit tigunissaanut qilanaarpugut.
Qinnuteqarnissamut killissarititaasoq: juunip 14.-at, 2026
