| Meeqqanut Ilinniartitaanermullu fagchefi Kommune Qeqertalimmi qitiusumik pisortatut atorfik |
Kommune Qeqertalimmi meeqqanut ilinniartitaanermullu suliassaqarfimmi siuttuusarusuppit?
Meeqqanut Ilinniartitaanermullu fagchefitut atorfinittussarsiorpugut, Timi Tarnimi ingerlatsivimmi pisortaq qaninnertut pisortaralugu. Atorfik Aasianniippoq, kommunillu illoqarfiinut sisamanut nunaqarfiinullu arfineq pingasunut atuuppoq. Ulluunerani paaqqinnittarfinnut, meeqqat atuarfiannut atuartitaanermullu, ilinniartitaanermut siunnersuisarnermut, atuareernerup kingorna ornittakkamut sunngiffimmilu aaqqissuussinernut (SFO), perorsaanikkut ineriartortitsinermut kiisalu MISI-mi siunnersuisarfimmut tunngatillugu aqutsineq, ingerlatsineq, pitsaassuseq ineriartortitsinerlu qitiusumik akisussaaffigissavatit. Matumani aqutsinermi ersarissunik sinaakkutissaqassaatit, ulluinnarnilu pinngortitamut, ataatsimoornermut akisussaaffimmullu qanittumik inissisimassallutit.
| Qitiusumik pisortatut atuuffikTimi Tarnimi ingerlatsivimmi pisortaq qaninnertut pisortaralugu aammalu politikkikkut ingerlatsiviusumi qanimut suleqateqarneq. | Aqutsinermi akisussaaffikSuliatigut sulisunillu aqutsinikkut immikkoortuni aqutsisut, atuarfinni aqutsisut kiisalu sulisut suliatigut qitiusumik inissisimasut akisussaaffigineqarnerat. |
| Suliassaqarfik Ulluunerani paaqqinnittarfiit, meeqqat atuarfiat atuartitaanerlu, ilinniartitaanermut siunnersuisarneq, atuareernerup kingorna ornittakkat sunngiffimmilu aaqqissuussinerit, perorsaanikkut ineriartortitsineq kiisalu MISI-mi siunnersuisarfik. | SumiiffikKommunip illoqarfiini sisamani nunaqarfiinilu arfineq pingasuni tamani akisussaaffik. |
Makkununnga akisussaaffeqalissaatit
·ulluunerani paaqqinnittarfiit, atuarfiit, ilinniartitaanermut siunnersuisarneq, atuareernerup kingorna ornittakkat sunngiffimmilu aaqqissuussinerit kiisalu MISI-mi siunnersuisarfik iluanni aqutsisut sulisullu suliatigut sulisunillu aqutsinikkut aqunneqarnerat
·ilinniartitaanermut siunnersuisarnermut, perorsaanikkut ineriartortitsinermut kiisalu MISI-mi siunnersuisarfiup suliatigut ineriartortinneqarneranut akisussaaffeqarneq
·ilinniartitaanermut siunnersuisarnermut, perorsaanikkut ineriartortitsinermut kiisalu MISI-mi siunnersuisarfiup suliatigut ineriartortinneqarneranut akisussaaffeqarneq
·oqartussatut suliassat inatsisinut naapertuuttumik, ataasiissaartumik piffissarlu eqqorlugu ingerlanneqarnissaasa qulakkeerneqarnissaat kiisalu suliassanik suliarinninnermi allaffissornikkullu ingerlatsinermi pitsaassutsip qaffasissuunissaa
·aningaasaqarnermik aqutsineq, missingersuutinik malitseqartitsineq aammalu suliassaqarfiup isumalluutaanik pingaarnersiuineq
·ulluunerani paaqqinnittarfiit, atuarfiit, ilaqutariit aammalu susassaqartut attuumassuteqartut akimorlugit suleqatigiinnerup ineriartortinneqarnera
·suliap saqqummiunneqarnerinik pitsaassusilinnik, saqqummiussissutinik malitseqartitsinermillu politikkikkut sullissineq
Takorloorparput
·naleqquttumik qaffasinnerusumik ilinniagaqarsimasutit imaluunniit suliassaqarfimmi itisuumik piviusumik misilittagaqartutit, tamatumalu iluani aqutsinermik annertuumik misilittagaqartutit
·politikkikkut aqunneqartumi aaqqissuussaanermi misilittagaqartutit, kommunimi imaluunniit pisortat ingerlatsivianni misilittagaqarneq iluaqutaassaaq
·suliatigut ineriartortitsineq, ingerlatsineq, aningaasaqarneq politikkikkullu sullissinerup akornanni isumannaatsumik ingerlasinnaasutit
·aqutsisut allat aqqutigalugit aqutsisinnaasutit, ineriartortinneqartumilu aaqqissuussaanermi malinnaasitsisinnaasutit
·aaqqissuussamik suleriaaseqartutit, illoqarfiit nunaqarfiillu akimorlugit ataatsimut isiginninneq najukkamilu pissutsit piviusut eqqumaffigisinnaallugit
·kalaallisut danskisullu attaveqarsinnaaguit iluaqutaassaaq, tuluttullu attaveqarsinnaaguit aamma iluaqutaassaaq
Pingaartipparput
·torersumik suleriaaseqarneq, ersarissuseq aammalu politikkikkut allaffissornikkullu suliassat akisussaaffiillu agguataagaanerat ilisimaarilluarlugu sulisinnaaneq
·aqutsinermi eqqissisimasuuneq, attaveqarneq ersarissuunerlu
·kalaallit naleqartitaannik, soorlu neriorsuutinik eqqortitsisarneq, ikiuukkumatuujuneq, qajannaassuseq aammalu ataatsimoorneq, ataqqinninneq
·kommunip ulluinnarni ingerlanneqarnerani ineriartorneqarneranilu ersarissumik peqataarusunneq
Suliffimmi inuuneq misigisassarpassualik
Kalaallit Nunaanni pinngortitaq ulluinnarsiutaavoq. Ullormut sulineq naagaangat sunngiffimmi qimusserneq, imaani angalaarneq, qamuteralanneq, aalisarneq, pisuttuarneq, arsarnerit seqinerlu kaaviinnartoq sukisaarsaatigineqarsinnaapput.
Paasissutissat
·Atorfik Timi Tarnimi ingerlatsivimmi pisortaq qaninnertut pisortaralugu inissisimavoq, ingerlatsiviullu aqutsisoqatigiivinut ilaalluni.
·Namminersorlutik Oqartussat kommunillu akornanni pisortanut isumaqatigiissut malillugu fagchef 3-tut akissarsianut inissinneqassaaq.
Kommune Qeqertalimmi pitsaassutsimik, ataqatigiinnermik sammivimmillu pilersiteqataarusuppit?
Taava aajuna pisortatut atorfik akisussaaffilik, avammut alakkaamatitsisoq misigisassaqarfiusorlu.
Pineqaatissinneqarsimannginnermik uppernarsaat:
Atorfik una pineqaatissinneqarsimannginnermut uppernarsaatip pissarsiarineqartussaatitaanera pillugu inatsimmut ilaavoq. Inatsit naapertorlugu aatsaat atorfinittoqarsinnaavoq kommune pinerlussimannginnermut uppernarsaammik pissarsippat.
Ineqarneq:
Atorfimmut atatillugu sulisunut inissiamik innersuussisoqarsinnaavoq, tassunga qularnaveeqqusiissut, ineqarnermut akiliut, atuineq il.il. akilerneqartassallutik malittarisassat Kalaallit Nunaanni Namminersorlutik Oqartussani kommunillu illuutaani il.il. ineqarnermut akiliuteqartarnermut sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il il qulaani taaneqartoq innersuussutigalugu akiliuteqartoqassaaq Sulisunut inissiaq atorfeqarnerup naanerani qimanneqassaaq.
Qinnuteqaat:
E-mail allakkalluunniit atorlugit qinnuteqaatinik tigusineq ajorpugut.
Qinnuteqaat, CV, ilinniarsimanermut pikkorissarsimanermullu uppernarsaatit kiisalu paasissutissat attuumassuteqartut allat nassiunneqassapput “Atorfik una qinnuteqarfigiuk” toorlugu. Atorfik pillugu apeqqutissaqaruit kommunaldirektør Alida C. Rafaelsen oqarasuaatikkut 387002 imaluunniit e-mailikkut alra@qeqertalik.gl attavigisinnaavat.
Ulloq innuteqarfissaq kingulleq: 25 juli 2026. Atorfininneq 1. September 2026 imaluunniit isumaqatigiissuteqarnikkut.
Upload-ernissa ajornartorsiutigigukku hr@qeqertalik.gl attavigiuk
Qinnuteqaatissat tigunissaanut qilanaarpugut.
Qinnuteqarnissamut killissarititaasoq: juulip 25.-at, 2026
