Allaffissornerup iluani ilinniagaqarpit? Sullisserusussuseqarpit? Aamma nammineerlutit sulisinnaassuseqarpit?
Taava HR & Servicemi kontorfuldmægtigitut atorfik ilinnut tulluuppoq.
Atorfik 1. juni 2026 imaluunniit erseqqinnerusumik isumaqatigiissuteqarnikkut inuttaleqarneqassasoq kissaataavoq.
HR & Servicemi kontorfuldmægtigitut, immikkoortortami suleqatigissavatit HR-konsulentit marluk, HR-partnerit marluk aamma Sulisoqarnermut Pisortaq qaninnertut sulisitsisorissuat. Aamma INUAni sulisut pillugit servicemi suliassanik suliaqassaatit. HR & Service saniatigut, INUAniipput aamma: Aningaasaqarnermut immikkoortortaq, qarasaasialerisut, Allattoqarfik, fagkoordinatorit aamma qullersaqarfik.
Suliassaq akisussaaffiillu:
- INUAni sulisut atorfik aqqutigalugu angalanissaannut, angalanissat ineqarnissallu inniminnerneri
- INUAni sulisut angalaneranni ullormusianik naatsorsuusianik suliaqarneq
- INUAni utaqqiisaasumik inissiat akisussaaffigalugit
- “Service”-imut mailit isertut aamma anisut suliarineri kiisalu toqqortuineq
- ERPimi nalunaarsuineq
- Sulisunut allaffissornikkut sulianik takkussortunik suliaqarneq, aamma Mindkeymi
- Ilanngullugu sulisunut allaffissornikkut suliassat mailit isertut aamma anisut suliarineri kiisalu toqqortuineq
Piginnaassutsitigut pisinnaasatigullu kissaatigineqartut
·Allaffissornermik ilinniagaqarsimanissat
·Qarasaasiamik sulliseqarluarsinnaanissat
·Namminersorlutit, pimoorussillutit aamma akisussaaffeqarlutit sulisinnaanissat
·Ulluinnarni suliassanik assigiinngitsunik suliassaqarfinni ulapaarfiusunilu aaqqissuussamik, tulleriiaarinermik ataatsimillu isiginnissinnaanermik suleriuseqarsinnaanissat
·Sullisserususseqarnissat
·Kalaallisoorluarsinnaallutillu qallunaatoorluarsinnaanissat, oqalunnikkut allakkatigullu
Akissarsiat sulinermilu atukkat:
Atorfininnerup nalaani Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit akissaateqartitsisoqarlunilu atorfinitsitsisoqassaaq.
Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.
Inissaq:
Atorfimmut atatillugu inissaateqartitsisoqanngilaq.
Atorfik pillugu annerusumik paasissutissat allattoqarfimmi pisortamut Anja Jensenimut, oqarasuaat 387015-mut sianerluni imaluunniit allalluni anja@qeqertalik.gl pissarsiarineqarsinnaapput.
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaatissavit tigunissaanut qilanaarpugut.
Qinnuteqarnissamut killissarititaasoq: maajip 26.-at, 2026
