Ansøgningsfristen for dette job er udløbet. Se ledige job →
Kalaallit Nunaata kujataani kusanarnerpaami sulerusussinnaavit, Nanortalimmi, taava immaqa ataani atorfiup nassuiarnera ilinnoorpoq!
Kommune Kujalleq – Nanortalik, pensionsianut tunngasunut suliamik isumaginnittumik ataatsimik pikkorissumik tunniusimasumillu ujarlerpoq. Siusinaartumik pensionisiaqalersitsineq utoqqaatullu pensionisiaqalersitsineq pillugit suliassanik suliarinninnerni malittarisassat atuuttut malillugit qularnaarinissaq peqataaffigissavat.
Isumaginninnermut siunnersortitut ilinniarsimasumik assingusumilluunniir ilinniagalik, kommunimiluunniit isumaginninnermi suliassalerinermik misilittagaqartumik pissarsiorpugut.
Qaqortumi Narsamilu sagsbehandlerit allat peqatigalugit kiffartuussivimmi / suliffeqarfimmi ilaassaatit, tassani Teams aqqutigalugu suliat pillugit imminnut siunnersuisarlusi oqaloqatigiittassallusi.
Suliassat taakkartorneqartut atorlugit suleqatigiinnitsinni suleqatigerusukkutsigut attavigitigut.
Piginnaasatigut piumasaqaatit makku pigissagitit naatsorsuutigaarput;
- Inatsisit malillugit qanoq sulinissat ilisimassagit.
- Innuttasutsinnut siunnersuutit ilitsersuutillu paasinartumik tunniussinnaanissaa.
- Aaqqissuussamik suleriaaseqarneq sulianillu aaqqissuussisinnaaneq.
- Allattariarsornermi oqaluttariarsornermilu ersarissumik paatsuugassaanngitsumillu attaveqartartuuvutit.
- Sullissilluarsinnaaneq aalaakkaatsuunerlu.
- Nammineq suliaqarsinnaavoq.
- Sulianut atatillugu eqaatsuunissat, ataavartumillu suliat agguataarneqartarnerannik nalimmassaalluarsinnaasuunissat
- Qarasaasiamik atuilluarsinnaasoq.
- Suleqatikkuminartoq suliniuteqarumatuujuunisorlu suliassaqarfiit akimorlugit periarfissarsiorsinnaasoq,
- Suleqatigiit ulapaaqisut pitsaasumik ilannguffiginissaat pingaaruteqarpoq.
- Suliassat takkussuuttut
Uagut neqeroorutigisinnaavavut;
- Sulineq assigiinngisitaartoq ilaatigullu ulapaarfiusartoq, illit suliffigisanni sullissisut allat peqatigalugit sunniinissannut periarfissaqarfigisat.
- Atorfik pissanganartuuvoq sulianik pissanganartunik namminersuutigisassanik imaqartoq, matumanilu ilinniartitaaneq pikkorissarneqartarnissarlu sulinermi annertuumik pingaartinneqarlutik.
- Sulinikkut avatangiisit pitsaasut eqeersimaarfiusullu.
Atorfinitsitsineq akissarsiallu AK-ip isumaqatigiissutai naapertorlugit pissapput.
Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik pissarsiniartussaatitaaneq pillugu inatsimmut atavoq. Inatsit naapertorlugu meeqqanik pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.
Atorfik pillugu sukumiinerusumik paasissutissanik pissarserusukkuit uunga oqarasuaammut saaffiginnissinnaavutit Dennis Rønn Mail denr@kujalleq.gl – oqarasuaat 648066 imaluunniit isumaginninnermut pisortaq: Martha Mikaelsen mail: maab@kujalleq.gl oqarasuaat: 648057
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik 19. aggusti 2026.
MALUGIUK: Qinnuteqaatit pappilissatigut mailikkulluunniit tiguneq ajorpavut, inussiarnersumik qinnuteqaatit nittartagaq aqqutigalugu nassiunniunneqassapput PDF-fil imaluunniit Word-fil-inngorlugit nassiunneqassallutik.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: aggustip 19.-at, 2026
