Nunarput tamakkerlugu sunniuteqaqataarusuppit?
Nunatsinni kigutileriveqarfik kigutaasiortumik pimoorussisumik ilinniagaqassutsikkut piginnaaneqarluartumik kigutaasiorfitsinni sulisussamik pissarsiorpoq. Tamatuma peqatigisaannik laboratorietandteknikerit kigutileriveqarfimmi sulinissamik inunnillu sullissinissamik soqutiginnittut atorfimmut qinnuteqaqqullugit kaammartorpagut.
Kigutaasiortutut kigutilerinermi ilinniagaqassutsikkut suleqatigiinnermi pingaarutilimmik inissisimassaatit nunarpullu tamakkerlugu kigutaasiornikkut aaqqiissutissanik qaffasissumik pitsaassusilinnik qulakkeereqataassallutit. Kigutaasiornikkut, laboratoriami suliaqarnikkut, kigutit nakorsaannik suleqatinillu allanik qanimut suleqateqarnikkut, ulluinaat suliffigisassat tamatigoortuussapput.
Neqeroorutigaagut
- Suliffik ilinniagaqassutsikkut sullitat qanoq innerannut, ilorrisimaarnerannut inuunerisalu naleqassusaannut annertuumik isumalik.
- Ulloq suliffik pissanganartoq allanngorartorlu annertuumik namminersorfiusoq.
- Ilinniagaqassutsikkut inuttullu ineriartornissamut periarfissagissaarneq.
- Suliffik ilinniagaqassutsikkut qaffasissumik piginnaaneqarnermik, suleqatigiinnermik pimoorussinermillu sunnerneqartoq.
- Sumiiffinni aalajangersimasumik kigusiortoqanngitsuni suliassanik isumaginninnissaq siunertaralugu, nunatsinni sumiiffinnut allanut ukiumut marloriarluni angalasinnaaneq.
- Ilinniagaqassutsikkut nukittuunik avatangiiseqarneq siunersioqateqarnissamut, ilisimasanik avitseqateqarnissamut, nunarput tamakkerlugu kigusiortunik kigutillu nakorsaannik suleqateqarnissamut periarfissagissaarneq.
Pissarsiariniagarput
- Kigutaasiortutut ilinniarsimavoq.
- Taamaanngippat laboratorietandteknikeritut ilinniarsimavoq soqutiginnilluni imal. kigutilerivimmi sulinermik misilittagaqarluni
- Namminersorluni sulisinnaavoq, aqqissuussamik periuseqarpoq pitsaassutsimillu ilisimaarinnittuulluni.
- Kigutaasiornermik, kigutaasanik iluarsaanermik aserfallatsaaliinermillu misilittagaqarpoq imal. soqutiginnippoq.
- Kigutaasiornermi atortunik nutaaliaasunik suleriaatsinillu ilisimasaqarpoq.
- Suleqatiginnillaqqissuuvoq ilinniakkallu akimorlugit avatangiisiniinneq iluaralugu.
- Akisussaassuseqarpoq, eqaatsumik periuseqarluni kiffartuussiumatuujuvoq suleqatiginnillaqqillunilu.
- Akisussaaffeqarnermik iluarinnippoq aaqqiissutissarsiornerlu piginnaaneqarfigalugu. Suliassanut tunngatillugu isumassarsiullaqqissuuvoq suliffimmilu atugassarititaasunut assigiinngitsunut najukkanilu pissutsinut naleqqussarsinnaalluni.
Suliassatit ilaatigut makkuupput:
- Kigutaasiornermi suliassat
- Piginnaasaqarfiup atuuttup iluani kigutaasalinnik misissuineq, naliliineq sullissinerlu.
- Kigutit ilusissaannik suliaqqarneq, alleqqut imminnut attuumanerannik qalipaammillu toqqaanernik nalunaarsuineq.
- Kigutaasanik ilaannakunik tamakkiisunilluunniit misiliineq, naleqqussaaneq ikkussinerlu.
- Kigutaasanik nakkutilliineq, nalimmassaaneq aserfallatsaaliinerlu.
- Kigutaasanik atuinissaq aserfallatsaaliinissarlu pillugit kigutaasalinnik siunnersuineq.
- Kigutaasat pillugit aqqusaartugassanut tunngatillugu kigutit nakorsaannik suleqatinillu allanik suleqateqarneq.
Kigutaasiorneq
- Tamakkiisunik ilaannakunilluunniit kigutaasiorneq.
- Kigutaasanik iluarsaaneq, kigutaasat ikkittaannik nutarterineq aserfallatsaaliinerlu.
- Kimmiagassanik kigutaasiugassanullu ataasiakkaannut uuttortakkanik atortussanik suliaqarneq.
- Suussusersiniaanermi-, suliaqarnermi- ilinniartitsinermilu/paasititsiniaanermilu ilutsinik suliaqarneq.
- Piginnaasaqarfigisat iluanni kigutaasiornermut tunngasunik allanik suliaqarneq.
Laboratoriami suliassat
- Ilusissanik suliamillu ingerlatsinermi najoqqutassanik pissarsineq misissuinerlu.
- Kuitsivimmi ilusiliineq nammassinninnerlu.
- Akryli, plastikki kigusiornermilu atortut allat atorlugit suliaqarneq.
- Suliat pitsaassusaannik qulakkeerineq.
- Laboratoriami atortunik aserfallatsaaliineq.
Ilinniagaqassutsikkut siunnersuineq suleqatigiinnerlu
- Kigutaasianik misiliinerni naliliinernilu peqataaneq.
- Ilinniagaqassutsikkut siunersioqatigiinneq kigutaasiornermullu tunngatillugu ajornartorsiutinut aaqqiissutissat pillugit suleqatinik siunnersuineq.
- Kigutileriveqarfimmi kigutaasiornermut tunngatillugu neqeroorutinik inerisaaqataaneq pitsaassutsimillu qulakkeereqataaneq.
- Kigutaasiornermut atortunut peqqumaasivimmik aqutsineq kiisalu atortussanik naapertuuttunik pisiassanillu inniminniineq aserfallatsaaliinerlu akisussaaffigissavatit.
Uagut
Kigutileriveqarfik immikkoortortaq nunatsinni siammarsimavoq nunallu immikkoortuini 16-ini kigutileriveqarluni. Ilinniagaqassutsikkut qaffasissumik pitsaassuseqarneq, ilinniakkat akimorlugit suleqatigiinneq sullitallu aalaakkaasunik aqqusaartugassaaqarnissaat pingaartippagut.
Nunarput tamakkerlugu kigutileritittut qaffasissumik pitsaassusilimmik kiffartuunneqarnissaasa pitsaasunillu periarfissaqarnissaasa qulakkeernissaa siunnerfigalugu suliniarpugut.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 1/11-2026 tamatumaluunniit kinguninngua
Qinnuteqarfissaq kingulleq: 11/10-2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Kigutigissaanermi siunnersorti Aviana Reimer, mailikkut: AVRE@PEQQIK.GL, imal. oqarasuaatikkut: (+299) 34 40 16 /imal. kigutit nakorsaattut pisortaq Arinnguaq Filskov, mailikkut: AOLS@PEQQIK.GL, imal. oqarasuaatikkut: (+299) 34 43 94 attavigalugit pissarsiarineqarsinnaapput
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
