Ansøgningsfristen for dette job er udløbet. Se ledige job →
Nanortallip Atuarfia immikkut atuartitanut nukarlerpaanut akullernullu ilinniartitsisussanik pissarsiorpoq
Nanortallip Atuarfia ilinniartitsisunik marlunnik Novembarip ulluis aallaqqaataa 2026 kingornaluunniit piaarnerpaamik atorfinittussanik pissarsiorpoq.
Akullernut ilinniartitsisussarsiorpugut matematikkimut, kalaallisut, danskisullu ilinniartitsisisinnaasumik aammalu 4. klassinut klasselæreriusinnaasumik. Atuartitsissutit taakku ilaat isumagisinnaassagitit kissaatigaarput, ilinniartitsisorli naleqqulluartoq sallerpaatinneqassaaq.
Tamatuma saniatigut immikkut atuartuutivut nukarlerpaat ilinniartitsisussarsiuuppavut, taavalu Immikkut atuartitsinermi Siunnersortitut suliassat aamma tassani isumagineqarnissaat kissaatigalutigu. Ilinniartitsisut sulisutta ilaat misilittagartooq, aamma ilinniartitsisutut siunnersortaasoq malittarisassavat.
Nanortallip Atuarfia pillugu
Nanortallip Atuarfia 176-inik atuartoqarpoq massakkullu 21-inik ilinniartitsisoqarluni.
Nanortallip Atuarfia atortorissaarluarpoq, suleqatigiinneq nuannersoq, minnerunngitsumillu kusanarluinnartumik tammaarsimaarnissamik periarfissaqarluartumik pinngortitalik. Nanortallip Atuarfiani ukiut tamaasa Pilineq immineq ilikkagassartalik, atuarfik tamakkerlugu ingerlanneqartarpoq.
Ipad atorlugu atuartitsisinnaaneq suleqataaffigilissavat. Atuartitsinermi Clevertouch smartskærme atortarpavut. Alloriarfiit tamarmik immikkut aallussassaqartarput, ukiup atuarfiusup ingerlanerani sukumiisumik suliarineqartartut. Ilinniartitsissutini, alloriarfinni klassenilu suleqatigiikkuutaani aalajangersimasumik ataatsimiittarpugut pilersaarusiorniarluta, ataqatigiissaariniarluta tapersersoqatigiinniarlutalu.
Nanortallip Atuarfiani ataatsimoorluni kivitsineq pingaartinneqarluinnarpoq. Ilinniartitsisut amerlanngitsunnguuvugut annertuumik akisussaaffeqarluta, taavalu atuartut ilinniagassatigut inuttullu tapersersorumallugit suleqatigiinnermik pingaartitsilluartuulluta. Inuunermi isumaliortaasigaarputkukkussutivut ilinniarfigissagivut, ataatsimoorluta ilinniartarpugut, inerisartuarusullutalu. Taamaattumik tulluusimaarluta oqaasinnaaqarluta: Ilikkanngisakka ilikkassavakka, ilikkakkakka ilatissavakka .
Atorfinut tunngasut:
Ilinniartitsisunik atorfinnut ukununnga ujaasivugut:
Akulliit atuarfiani inissisimasussamik, immikkut atuartitsisumik marlunnik ilinniartitsisoqartitsivimmi ilinniartitsisumik ujaasivugut.
Akullerni qallunaatut, tuluttut eqaarsaartitsinermullu ujaasivugut, atuartuni immikkoortuni assigiinngitsuni ilinniartitsisinnaasumik.
Angajullerni atuartunut qallunaatut, tuluttut pikkorissartitsivimmullu ilinniartitsisumik ujaasivugut, angajulliit atuafiani immikkut neqeroorutigisartakkatsinni ilaasoq.
Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommunip meeqqanut pinerliisimannginnermut uppernarsaatip tigunerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Atorfimmut atasumik ineqartinneqarneq
Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.
Atugarisat iluatinnartut tunngavigalugit atorfinitsitsineq
Naalakkersuisut aamma IMAK-ip isumaqatigiissutaat 25. maj 2021-imeersoq najoqqutaralugu atorfinitsitsisoqassaaq. Qinnuteqartunut Kalaallit Nunaanni tjenestemandioreersunut tunngatillugu atorfinitsitseriaaseq taanna ingerlateqqinneqassaaq.
Qinnuteqartut piukkunnaateqartut kajumilersinniarlugit immikkut sivisussusileriikkamik atorfinitsitsinissaq isumaqatigiissutigalugu atorfinitsitsinissaq neqeroorutigineqassaaq. Ukiuni aalajangersimasuni atorfinitsinneqarnermi isumaqatigiissutip kinguneraa atorfeqalerernermi qaammatit aqqaneq-marluk qaangiutereernerini inatsisit atuuttut najoqqutaralugit atorfinitsinneqartoq taassumalu ilaqutai akiliunneqarlutik feeriarsinnaammata. Tamatuma saniatigut 1991-imi aningaasartat naapertorlugit atorfinereernerup kingorna ukiumoortumik soraarnermi immikkut pissarsiassaq 18.000 koruuninik nalilik tunniunneqartassaaq, taakkulu aningaasat kontumut matoqqqsumut ikineqassapput. Soraarnermi aningaasat immikkoortinneqartut soraarnerup kingorna tunniunneqassapput.
Atorfinikkiartornermi angalaneq
Atorfininnermut tunngatillugu atorfinerlaanut taassumalu ilaqutaanut akeqanngitsumik angalanissaq isumagineqassaaq, aammalu minnerpaamik ukiuni pingasuni atorfeqareerneerup kingorna inatsisit atuuttut najoqqutaralugit soraarnermi angalanissaq kisalu pigisat assartorneqarnissaat akiliunneqassallutik.
Paasissutissat allat: Atorfimmut sukumiinerusumik paasisaqarusukkuit qinnuigineqarputit atuarfiup pisortaanut Nicolaj Lykke-mut saaffiginneqqullutit e-mail nily@kujalleq.gl imaluunniit oqarasuaat 61 47 51 atorlugit.
Qinnuteqaatinut immersugassaq
Uatsinni ilinniartitsisunngorusullutit soqutiginnilersimaguit, qinnuteqarfissamik nassiussivigissavatsigit.Qinnuteqarnermi immersugassaq pinngitsoorani atorneqartussaavoq.
Qinnuteqaat pineqaatsissinneqarsimannginnermut uppernarsaatitalik, ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Ilinniartitsisutut atorfiit.
Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik oktobarip ulluisa aallaqqaataa 2026
MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.
Qinnuteqarnissamut killissarititaasoq: oktobarip 1.-at, 2026
