Ansøgningsfristen for dette job er udløbet. Se ledige job →
Tarnikkut nappaatilinnut qitiusumik immikkoortoq 12/10-2026 immikkulluunniit isumaqatigiissuteqarnikkut atorfinittussamik oqalutsissarsiorpoq
Atorfik
- Ullormut suliffik nal. 08:00 – 16:00, tarnikkut nappatailinnut immikkoortortami allatseqarfimmut suliartortassaatit, tassani ullormut oqalutsitut suliassat ataqatigiissaarneqartarput
- Immikkoortortami nakorsiartitsivimmilu misissuinerni katsorsaanernilu oqaluttaaneq
- Pisariaqartitsinermi nutsigassanik suliaqarneq
- Sulisut allat peqatigalugit, napparsimasunut qanigisaasunullu kiffartuussinerit sapinngisamik pitsaanerpaanissaannut suleqataaneq
- Allaffissornikkut suliassat annikitsut napparsimasunillu aggersaanerni ikiuunneq
- Suliassat kiffartuussinermut tunngasut:
-Ullup suliffiusup ingerlanerani kiffartuusinermut tunngasunik assigiinngitsunik suliassaqartassaaq
Ulluinnarni sulininni, aaqqissuussaanikkut oqalutsernermut immikkoortup ataani inissisimassaatit.
Neqeroorutigaagut:
- Suliffik napparsimasunut attaveqarnermik, oqaluttaanermik immaqalu allaffissornikkut suliassanik nassatalik
- Suleqatit pikkorissut, eqaatsumik periusillit, isumannaallisaanermik sullivimmilu avatangiisinik annertuumik pingaartitsisut
- Pilersaarusiorluni ataatsimiinnerni, ullormut sammisaqartitsinerni, ilinniartitsinerni sulisulllu ataatsimiinnerini peqataanissamut periarfissaqarneq
- Sulisut peqatigiiffianni eqeersimaartumi, angallammik angalaarnissanik ataatsimuualaarnissanillu aaqqissuussisartumi ilaasortaaneq
- Ilinniakkat akimorlugit suleqatigiit tassaavugut nakorsat, tarnip pissusaanik immikkut ilisimasallit, inunnik isumaginninnermi siunnersorti, peqqissaasut, sundhedsassistentit, oqalutsit, allatsit allallu.
Pissarsiariniagarput:
- Oqalutsitut ilinniarsimavoq imal. oqalutaasarnermik misilittagaqarpoq
- Ajornanngippat nakorsat /tarnip pissusaanik immikkut ilisimasallit nakorsiartitsinerini oqaluttaasarnermik misilittagaqarpoq
- Kiffartuussiumatuujuvoq, eqaatsumik periuseqarpoq inissaqartitsisuullunilu
- Toqqissinartumik atassuteqalernermut pikkoriffeqarpoq
- Ilinniakkat akimorlugit immikkoortortami eqaatsumik periuseqarpoq allannguinissamullu piareersimalluni
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 12/10-2026 immikkulluunniit isumaqatigiissuteqarnikkut
Qinnuteqarfissaq kingulleq: 5/10-2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Nakorsanut allatseqarnermut oqalutseqarnermullu immikkoortortami aqutsisoq Lucia Jakobsen ulluinnarni nal. 08:00 – 16:00 imal. mailikkut: LUC@PEQQIK.GL attavigalugu pissarsiarineqarsinnaapput.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
