Neqaarniarfitta sutugassaqartitsivittalu ittuata ikiortissaanik (mestersvend) pikkorissumik pissarsiorpugut. Ittup ikiortaatut suleqatigiinni pitsaassutsimik, kiffartuussilluarnermik suliamullu tunniusimanermik pingaartitsisuni qitiusumik inissisimassaatit.
Akisussaaqataaffigilissavatit ulluinnarni ingerlatsineq, nioqqutissiorneq kiisalu neqaatitsinnik sutugassanillu ineriartortitsineq.
Illoqarfipput
Qaqortoq kujataani illoqarfiit annersaraat eqiingalluartunik inoqartoq. Qaqortoq aamma ilinniarfeqarpoq arlariinnik, soorlu assersuutigiinnarlugit Campus Kujalleq aamma Sulisartut Højskoliat. Umiarsuit takornariartaatit illoqarfik taliffigikkajuttarpaat – 2025-mi illoqarfik 46.000-t missaannit takornariariarfigineqarpoq. Illoqarfiup mittarfittaarnerata kingorna takornariaqarnerup suli qaffannissaa naatsorsuutigineqarpoq.
Suliassavit ilaat makkuussapput:
- Neqinik agguineq, soorlu tuttut, umimmaat arferillu neqaat
- Pujuukkanik nioqqutissiorneq (suliassaqarfik nutaaq)
- Sutugassanik nioqqutissiorneq, kissartut nillertullu
- Inuussutissat pitsaassusaannik qulakkeerinninnissaq
- Nioqqutissanik inniminniineq uninngasuutinillu aqutsineq
- Pisinianik kiffartuussineq siunnersuinerlu
- Immikkoortortap nittarsaassinerani tuniniaaneranilu akisussaaqataaneq
- Suleqatinik ilinniartitsineq suleqateqarnerlu
Piginnaasassatit makkuussapput:
- Neqaarniatut / slagteritut ilinniarsimanissat
- Suliannut tunniusimallutillu pitsaassutsip suuneranik eqqummaariffeqarnissat
- Namminersullaqqissuunissat akisussaassuseqarluartuunissallu
- Kiffartuussillaqqissuunissat inussiarnersuunissallu
- Suleqatiginneriallaqqissuunissat
- Ulapaarnerup nalaani eqaatsuunissat sullarissuunissallu
Uagut makku neqeroorutigisinnaavagut:
- Pisiniarfimmi ingerlalluartumi atorfik pissanganartoq tamatigoortorlu
- Suleqatit nuannersut nunarsuatsinni assigiinngitsuniit aggerfillit
- Piukkunnassuseq malillugu akissarsiaqartitsineq
- Atorfimmut atasumik ineqarnissaq pequtillu nassiunnerisa akilertinnissaat periarfissaavoq
- Atorfininnermi soraarnermilu akiunneqarluni angalasinnaaneq periarfissaavoq, isumaqatigiissutip naammassineqarnerani
- Piukkunnassuseq malillugu akissarsianut ilaavoq akiliunneqarluni sulinngiffeqarsinnaaneq
Qinnuteqareerfissaq
Ulloq 17. maaji 2026 qinnuteqaatit tigoriissavagut; siusinnerusukkuttaaq qinnuteqartoqarsinnaavoq oqaloqatigiinnerit ataavartumik ingerlattaratsigit.
Qinnuteqaatit apuunneqassapput nittartagarput www.brugseni.gl/job aqqutigalugu (e-mailikkuunngitsoq).
Atorfiniffissaq
1. juuli 2026 aallarnerfigalugu, isumaqatigiissuteqarnikkulluunniit.
Paasissutissat sukumiinerusut
Atorfik pillugu oqaloqatigineqarsinnaavoq neqaarniarfiup ittua Slagtermester Ronni Trabjerg Nielsen telefon +299 645518 imaluunniit e-mail ronni.nielsen@brugseni.gl
Suliffik sumiiffia
Anders Olsensvej B 852
3920 Qaqortoq
Grønland
