Ansøgningsfristen for dette job er udløbet. Se ledige job →
Illit mamartuerniarnermik nerisassanillu nuannarisaqaruit suleqatigiinnillu aaqqiissuusseqatigerusukkutsigut suliffissaqartippatsigit! Kalaallit Nunaanni niuertarfiit annersaannut ilaavugut, pisiniarfiutivullu sammisassaqartitsiviulluartarput inunnillu nuannaartunik ulikkaartuaannarlutik.
Mamartuerniarfimmik aaqqissuusseqqeqataarusuttumik immikkoortortamullu malunniuteqarsinnaasumik aqutsisussarsiorpugut. Maniitsumi nutaaliamik mamartuerniarfeqarnissaanik qulakkeerinissami pingaarutilimmik inissisimaffeqassaatit tamatumalu saniatigut tunisassiornitta pitsaassuseqarluartuarnissaanut suliffimmilu avatangiisinik nuannersuutitsinissamut pingaaruteqassallutit. Mamartuerniarfimmi aqutsisutut pisiniarfiup aqutsisoqatigiivinut ilaalissaatit taamalu pisiniarfiup ataatsimut sammivianut akisussaaqataassallutit.
Taamaattumik pingaaruteqarpoq sullivimmi atugassarititaasunik pitsaasunik immikkoortortamilu avatangiisinik nuannersunik pilersitsisarnissat – ulluinnarni aamma ulapiffiullu nalaani. Aqutsinermi suliassavit amerlanersaasa saniatigut tamatigoortumik ulluinnaqassaatit nillertunik kissartunillu sassaalliuteqarnissamut akisussaaffeqaqataassallutit.
Soqutiginartikkukku tusarfiginissat qilanaaraarput.
Suliassat:
- Mamartuerniarfimmi aqutsineq pilersitseqqinnerlu
- Suliassanik pilersaarusiorneq agguaanerlu
- Immikkoortortami ullormut tunisassiorneq pisinianillu sullissineq
- Pisiniarfiup ullut tamaasa tunisiviunissamut piareersimatinnissaa piserusunnarfiutinnissaalu
- Tunngaviusunik inissiinissaq, ilaatigut akinik, nioqqutissat qaangiuttoorfissaannik aviisinullu ilannguteriaannaanissaannik il.il.
- Suliassanik agguaaneq, eqqiaaneq malittarisassallu malinneqarnerannik qulakkeerineq
- Immikkoortortami atugarissaartoqarnissaanik avatangiisigissaartoqarnissaanillu qulakkeereqataaneq
- Pisiniarfiup aqutsisoqatigiivini suleqataasarneq
Naatsorsuutigaarput illit…
- Niuertarfimmi neriniartarfinniluunniit nerisassanik tunisassiornermut atassuteqartumik tunuliaqutaqartutit
- Nutaaliorsinnaasutit immikkoortortallu nutaanut malinnaaffiullunilu pisiaqarusunnarfiunissaanik qulakkeerisinnaasutit, pisiniartartut pitsaanerpaanik nutaaliaanerpaanillu toqqagaqartuaannarniassammata
- Nillataartitsivinni takujuminartunik toqqagassaqartitsissasutit
- Ullormut ingerlatsinermi pilersaarusiorsinnaallutillu siuttuusinnaasutit
- Inuttut ammasuullutillu suleqateqarusussuseqartutit pisiniarfimmi avatangiisini ulapaarfiusuni nuannisaarfiusartunilu sulilluarsinnaasutit
- Iluatsilluarnissamut piumassuseqartutit immikkoortortamilu suleqataallutit pitsanngorsaaqataassasutit.
Ilinnut neqeroorutigisinnaavavut:
- Suliffik soqutiginartoq nammineq malunniuteqarnissamut immikkoortortallu siunissaanik ilusiliinissamut kiffaanngissuseqarfiusoq
- Pisiniarfiup aqutsisoqatigiiviniinneq inuttut aqutsinermilu ineriartornissamut periarfissaqarluni
- Pikkorissunik suleqateqarlutit suliffimmi avatangiisigissaarneq
- Atorfinitsitaanermi atugassarititat pitsaasut piginnaasanullu naapertuuttumik akissarsiaqarneq
Ingerlatsivipput pillugu
Kalaallit Nunaanni Brugseni ingerlatsiviuvoq kalaallinit 100%-imik pigineqartoq ineriartorfiulluartorlu sineriammi 17-inik pisiniarfiutilik. Inuiaqatigiinnut, avatangiisinut suleqatitsinnullu malunnartumik allanngueqataarususseqarluta sulivugut, pisiniartartunillu suleqateqarusussuseqarpugut.
Illit suliakkut ineriartornissat suleqataaffigissavarput, ”Great Place to Work”-itullu uppernarsaasigaanerput suliffimmi avatangiisit ilisimasaqarluarfiunerannut qulakkeerutaavoq, tamaani piginnaasatit atorluarneqqassammata ineriartornissamullu periarfissaqarluassammat. Kalaallit Nunaanni niuertarfeqarfiit annersaasa ilaata siunissaanut sunniuteqaqataarusuppit?
Qinnuteqarnissamut killigititaq: Kingusinnerpaamik juulip 12-iat, 2026
Isumaqatigiissutigineqartoq naapertorlugu atorfinitsitsisoqassaaq.
Qinnuteqaatit nassiunneqassapput nittartakkatsigut: www.brugseni.gl/job (e-mailikkuunngutsoq).
Atorfik pillugu apeqqutissaqartilluni attavissaq:
Niuertarfimmi aqutsisoq Johannes Motzfeldt, tlf. +299 817150, mail: johannes.motzfeldt @brugseni.gl
Nittartagaq: www.brugseni.gl
Facebook: Kalaallit Nunaanni Brugseni
Suliffik sumiiffia
Ujuaansip Aqqutaa 2
3912 Maniitsoq
Grønland
Ulloq qinnuteqarfissaq kingulleq:
13. juli 2026
