Narsarsuaq-imi Angerlarsimaffimmi paarsisartumik pissarsiorpugut, illiua soqutiginnittoq?
aggustip aallaqqaataat 2026 aallarnerfigalugu imaluunniit isumaqatigiissuteqarnikkut atorfinittussamik.
Kommune Kujalliup qanimut meeqqanik sullissinermi pingaartipparput meeqqat ineriartornermikkut nutaaliornikkullu ineriartortinneqartut, taamaatumik ujartuivugut meeqqanut nutaaliornermut misilittagalimik.
Suliassat akisussaaffiillu:
Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 62, 20. november 2023-meersoq malinneqarnissaanut akisussaaqataaneq.
- Meeqqanik paaqqutarininneq
- meeqqamut oqartussaasuseqartunut qanimut attaveqatigiisinnaaneq meeraq pillugu aammalu meeqqap killiffii aallaavigalugit sullissineq.
- Ullormut meeqqat sammisassaanik nammineq pilersaarusiorsinnaaneq
- Meeqqap mappiinik qulakkeerininneq aammalu MIIM 3 MIIM 5
Uagut tunniussinnaasagut:
Qanimut kommune Kujalliup peroresaanermut siunnesortianik suleqateqarneq
Sakkussanik tuniorarneqarneq
Aqqutsissiorneqarneq
Online aqqutigalugu pikkorissaasoqartillugu peqataatitaasarnerit
Ilinnut naatsorsuutigisagut:
- Perorsaasutut /perorsaanermulluuniit assingusumik ilinniarsimasutit piumasaqaataanngilarli
- Aallartitsisinnaassuseqarlutillu akisussaaffimmik tigusisinnaasutit.
- Suliarput pillugu perorsaanermut tunngasunik oqalliseqataanissannik piumassuseqartutit.
- Meeqqanut killiliisinnaasutit.
Neqeroorutigaarput
- Akissarsiat atorfeqartitaanermullu atugassarititaasut, matumani atorfininnermi angalaneq pisattanillu assartuinerit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
- Pisortap tullianut perorsaasumullu inissamik innersuussisoqarsinnaavoq, malittarisassat sukkulluunniit atuuttut malillugit akilerneqartartussamik.
- Sulinermi atugassarititaasut pitsaasut
Pineqaatissinneqarsimannginnermut aammalu meeqqanik pinerliisimannginnermut uppernarsaat:
Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissarsiat, atorfinitsitaanermilu atugassarititaasut:
Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK)/(SIK) imaluunniit kattuffiup isumaqatiginninniarsinnaatitaasup susassaqartup akornanni isumaqatigiissut atuuttoq naapertorlugu pissapput.
Ulloq aallartiffik: Qinnuteqartoq isumaqatigineqassaaq
Qaammatini pingasuni misiligummik atorfinitsitsisoqassaaq.
Ineqarneq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il.il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussaatillugu utaqqisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akiliisoqassaaq
Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.
Annerusumik paasisaqarusukkuit
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissamut tikilluaqqusaavutit:
Perorsaanermik siunnersorti: Ivalu Kristensen email: ivkr@kujalleq.gl Tlf: 648140 attavigalugu.
Qinnuteqaaat
Qinnuteqaat qulequtserlugu atorfiup ilisarnaataa 26-128 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqarnermut ilanngullugit, qinnuteqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqateqassaatit
Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik juulip ulluisa 17-at 2026 nittartagarput aqqutigalugu tiguneqareersimassapput.
MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 17.-at, 2026
