Kalaallit Nunaat, Danmark aamma USA sap. ak. tulliuttumi isumaqatigiissummik atsioqatigiissinnaanerat naatsorsuutigineqarpoq. Issittumi atlantikullu avannaani isumannaallisaaneq nukittorsarneqassasoq isumaqatigiissutigineqarpoq.
Naatsorsuutigineqarpoq isumaqatigiissut sap. ak tulliani naalakkersuisunit pingasuusunit atsiorneqassasoq, tamannalu pissaaq FN-ip ataatsimeersuarneranut atatillugu.
Isumaqatigiissut atsiorneqareerpat nunat taakku inatsisartuini sammineqassaaq isumaqatigiissut atuutilinnginnerani.
Naalakkersuisut Siulittaasuat Jens-Frederik Nielsen ima oqaaseqarpoq:
– Isumaqatigiissuteqalernerput nuannaarutissaavoq. Nunatsinni, Kunngeqarfiup Danmarkip, USA-p kiisalu Nunani killerni illersoqatigiinni isumannaallisaaneq nukitsorsarneqassaaq.
– Isumaqatigiissutip nunatta soqutigisaanik akuersineruvoq nunallu tamalaat akornanni nunatta pingaaruteqarneranik takussutissiilluni. Tamatsinnut iluaqutaassaaq.
Danskit ministeriunerat ima oqaaseqarpoq:
– Nuannaarutigaara Kalaallit Nunaata, Kunngeqarfik Danmarkip USA-llu isumaqatigiissuteqarluarnissaat anguneqalermat.
Isumaqatigiissutip issittumi atlantikullu avannaani sillimaniarneq qulakkeerpaa aammalu Kunngeqarfiup killeqarfiinik kiffaanngissusianillu ataqqinnittoq aammalu kalaallit inuiattut namminiussuseqarnerannik naqissusiisoq.
