Nuka Kleemann Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi pisortatut ukiut pingasut sinnerlugit atorfeqareerluni, unammilligassanik nutaanik misileerusulluni tunuarpoq.Nassiussisuuvoq:
Nuka Kleemann juunimi 2023-mi naalakkersuisoqarfimmi pisortatut atorfinippoq, taamanimiillu ilinniartitaanermut, kultureqarnermut, timersornermut ilageeqarnermullu tunngasut akisussaaffigalugit.
Naalakkersuisoq Nivi Olseni Nuka Kleemannip unammilligassanik nutaanik misileerusunnera akueraa. Nuka Kleemann novembarip aallaqqaataani 2026-mi Campus Kujallermi forstanderitut atorfinissaaq.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Nivi Olsen qujassuteqarpoq:
– Nuka Kleemann naalakkersuisoqarfimmi pisortatut tunniusimalluarluni annertuumillu naleqarluartumillu suliaqarsimaneranut qutsavigerusuppara. Akisussaaffitta ineriartortinneqarneranni annertuumik ilisimasaqarluni, misilittagaqarluni tunniusimallunilu suleqataasimavoq. Nuannaarutigaara Naalakkersuisoqarfiup susassaqarfiisa iluanni sulinini ingerlatiinnassammagu. Campus Kujallermi forstanderitut sulilluarnissaanik kissaappara, Naalakkersuisoq Nivi Olsen oqarpoq.
Naalakkersuisoqarfimmi pisortap tullia Karl Davidsen naalakkersuisoqarfimmi pisortassap nutaap nassaarinissaata tungaanut naalakkersuisoqarfimmi pisortaagallassaaq.
