Pilersuinerup isumannaatsuunissaa pillugu nunat avannarliit suleqatigiinnertik nukittorsarpaat

Nunani avannarlerni pilersuinerup isumannaatsuunerata nukittorsarnissaa pillugu nalunaarut nunat avannarliit (Sverige, Norge, Danmark, Finland, Island, Savalimmiut, Åland aamma Kalaallit Nunaat) atsiorpaat. Ajornartoortoqassagaluarpat imaluunniit sorsuttoqassagaluarpat iluaqutissat aamma sullissinerit pisariaqartut pissarsiarineqarsinnaanissaasa qulakkeernissaannut nunat avannarliit peqatigiillutik piginnaasaqarluarnerupput. 

Nunani avannarlerni tamatta isumannaatsuunissarput, pilersorneqarnissatsinnut sunniuteqarsinnaasunik ajornartoornernik akiuinissarput pillugit, nunani avannarlerni nunanut qanitatsinnut qaninnerusumik suleqateqarnissatsinnut nalunaarut Kalaallit Nunaannut alloriarneruvoq pingaarutilik.

Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoq imak oqaaseqarpoq ”Nunani avannarlerni pilersuinerup isumannaatsuunissaa pillugu nunat avannarliit ilaannik naligiimmik suleqatigiinnissamik atsioqatigiinneq, Kalaallit Nunaannut alloriarneruvoq pingaarutilik. Nunani avannarlerni tamatta isumannaatsuunissarput, pilersorneqarnissatsinnut sunniuteqarsinnaasunik ajornartoornernik akiuinissarput pillugit, nunani avannarlerni nunanut qanitatsinnut qaninnerusumik suleqateqarnissatsinnut nalunaarut Kalaallit Nunaannut alloriarneruvoq pingaarutilik.”