Naleraq 2026-mi oktobarip 24-anni 25-annilu ileqquusumik ataatsimeersuassaaq. Ataatsimeersuarnissap qanoq ingerlanneqarnissaa paasissutissallu allat kingusinnerusukkut nalunaarutigineqassapput.
Ataatsimeersuarneq Naleqqap oqartussaanerpaartaraa. Immikkoortortaqarfiit toqqagaasa aallartitaat, Naleraq sinnerlugu Inatsisartuni ilaasortat kiisalu siulersuisuunerni ilaasortat taasisinnaatitaapput.
Immikkoortortaqarfiit oqaluuserisassanut ilanngunneqartussatut siunnersuutaat kingusinnerpaamik 2026-mi septembarip 24-anni nassiunneqassapput. Peqataasussat allattorsimaffiat aamma oqaluuserisassat immikkoortortaqarfinnut kingusinnerpaamik ataatsimeersuarnissap ullunik tallimanik sioqqullugu nassiunneqassapput.
Immikkoortortaqarfiit tamanna sioqqullugu namminneq ileqquusumik ataatsimeersuareersimanissaat Naleqqallu ataatsimeersuarneranut aallartitassanik qinersisimanissaat kaammattuutigineqarpoq.
Naleraq 2014-imi pilersinneqarmalli angusaqarluarpugut.
