Inuussutissarsiutinut Aatsitassanullu Naalakkersuisoqarfiup nuannaarutigalugu aggustip 11-ianni 2026-mi inuussutissarsiutinut nittartagaq nutaaq atorneqarsinnaalersippaa: Businessingreenland.gl.
Nittartakkap nutaap inuussutissarsiornerup niuernerullu iluani qitiusumi suliassaqarfiit imarai, taannalu aqqutigalugu innuttaasut suliffeqarfiillu paasissutissat pisariinnerusumik pissarsiarisinnaalissavaat pisortaqarfiillu attavigisinnaassallugit. Nittartakkami ilaatigut ukua misissorneqarsinnaapput:
- Takornarissanut akuersissutit
- Uumassusillit sananeqaataasigut kingornuttagaasunik isumalluutitallit
- Sermimik imermillu avammut tunisassiorneq
- Avammut tunisassiornissamut akuersissutit
- Suliarinnittussarsiornissamut nittartagaq
Maluginiarsiuk suliarinnittussarsiornissamut nittartakkamut aaqqiissummik ataavartumik nassaartoqarnissaata tungaanut, atuuttoq utaqqiisaarutaammat.
Nittartagaq ingerlaavartumik inerisarneqartassaaq, siunertaavorlu atoruminassusaa eqqarsaatigalugu inerisarneqassasoq aammalu innuttaasut inuussutissarsiortullu naalakkersuisoqarfiup akisussaaffeqarfigisai pillugit pisariitsumik paasiuminartumillu pissarsisinnaanissaat qulakkeerneqassasoq.
Nunanut allanut, Inuussutissarsiornermut Aatsitassanullu Naalakkersuisoq, Múte B. Egede, ima oqaaseqarpoq:
“Inuussutissarsiutinut nittartagaq ataatsimoortoq aqqutigalugu innuttaasut suliffeqarfiillu nuna tamakkerlugu sammisat pillugit paasiniaasinnaapput pisortaqarfinnullu attaveqarsinnaallutik. Nittartakkap suliarinera sivisusimavoq, nuannaarutigeqaarpullu aaqqiissummik ataasiusumik Kalaallit Nunaannilu innuttaasut suliffeqarfiillu paasissutissanik aallerfigisinnaasaanik peqalernera.”
