Ittoqqortoormiit aasarsiorluarput, tassa ippassaq illoqarfimmi +16 gradit missaanni silasiornermi uuttortarnermi. Tamanna naqitsinertuffik Atlantikup imartaani ungasissumi pilersinneqarnera peqqutaavoq. DMI taama allappoq.
Islandip kujataani naqitsinertuffeqarallarpoq, ulluni arlalinni nikippiassanani inissisimasoq. Tamatumalu peqatigisaanik Labradorip eqqaani naqitsiniisaffik aalajangersimasumik aamma ullualunni inissisimalluni. Taakkualu marluk naqitsiniisaffik, naqitsinertufillu ataqatigiipput: naqitsinertuffik nalunaaquttap ingerlaarnera malillugu kaavittarpoq, naqitsiniisaffillu nalunaaquttap illuata tungaanut kaavittarluni. Taakkulu akornanni silaannaq kissartoq kujataaneersoq Tunup sineriaa sinerlugu avannamut ingerlaartinneqartarluni.
Tamanna erseqqissumik malugineqarpoq, Ittoqqortoormiimmi seqinnarissammat +10 grader sinnerlugu kiassalluni. Putsilersinnaavoq: Ulloq seqinnariffiugaluarpalluunniit silaannaq isugutattoq, imaq nillertup silaannaa tikikkaangamiuk, pujoq pilersinneqartarpoq.
Taamaattumik naqitsiniisaffik, naqitsinertufillu inissisimanertik allanngortinngippassuk, Tunumi silagissiorujoornissaq naatsorsuutigineqarsinnaavoq
