EU-mik aalisarneq pillugu isumaqatigiissummut tapiliussamit Kalaallit Nunaanni immikkoortunut tapiissuteqartoqartarpoq. EU ESU aqqutigalugu sinerissap qanittuani aalisariutinut 8 meterit inorlugit takissusilinnut tapiissuteqartarpoq.
Kalaallit Nunaat aalisarnermut immikkoortortanut 2026-mi tapiissutinik 23,9 mio. koruuninik pissarsivoq. Kalaallit Nunaanni Aalisarnermut Piniarnermullu Nakkutilliisoqarfik, Pinngortitaleriffik aamma Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik aningaasanik pissarsisarput.
Aningaasat Naalakkersuisoqarfimmut agguaanneqartut, ilaatigut ukununnga immikkoortinneqartarput;
Aalisarnermi aningaasalersuinissamut immikkoortitat inuussutissarsiutinillu siuarsaaneq, sinerissap qanittuani aalisariutinik 6 meterit sinnerlugit takissusilinnik umiatsiaaqqanillu pisiortornermut tapiisartut. Angallatit pingasut nutaat 6 meterit sinnerlugit takissusillit umiatsiaaqqallu arfineq-marluk atortullit 2026-mi tapiiffigineqarput.
Taakku saniatigut immikkoortortami tapiissutit aalisariutinik nakkutilliinermut, ERS-ip atuutilersinneqarneranut aamma digitali atorlugu angallat pillugu allattaavinnut aamma Tunumi qalerallit saarulliillu pillugit ilisimatuussutsikkut misissuinernut atorneqarput.
Immikkoortortami 2025-mi tapiissutit pillugit nalunaarut aamma 2026-mi pilersaarut Fælles Komitép ulluni 23-24. juni 2026-mi, ataatsimiinnerani akuerineqarput. Tamatuma kingorna EU-p aningaasat tapiissutaasut tunniutissavai.
