Namminersorlutik Oqartussat akiliuteqarluni aallaaniarneq aamma aalisarneq pillugu nalunaarutaat nutaaq 1. juulimi 2026-mi atuutilissaaq, tamannalu taamaalilluni Kalaallit Nunaanni akiliuteqarluni aallaaniarnermut aalisarnermullu inatsisitigut sinaakkutaassaaq, tassunga ilanngullugu takornarianut akiliuteqarluni aalisarneq.
Takornarianut akiliuteqarluni aalisarneq tassaavoq inunnut Kalaallit Nunaanni aalajangersimasumik najugaqanngitsunut tamanut akiliuteqarnikkut aalisakkanik killilersugaanngitsunik aalisarsinnaaneq.
Akiliuteqarluni aalisarnermut web-portali nutaaq aqqutigalugu takornariat aalisarsinnaanermut akuersissutinik ullormut, sapaatip akunneranut imaluunniit qaammammut ataatsimut atuuttussamik pisisinnaalerput. Ilutigalugu suliffeqarfiit takornarialerinermik ingerlataqartut atuisutut pilersinneqarsinnaanerat sullitatillu sinnerlugit akuersissutinik pisisinnaanissaat periarfissaalerpoq. Web-portali nutaaq linkimi uani nassaarineqarsinnaavoq: https://turistfisketegn.gl.
