Illoqafinni nunaqarfinnilu sullissinermut atortussanik ATV-nik qulinik Kommune Kujalleq pisisimalerpoq, taakkulu atorneqalernissaminnut piareersarneqaleruttorput.
Illoqarfinni nunaqarfinnilu sullissineq eqaallisaaviginiarlugu Kommune Kujalleq ATV-nik nutaanik qulinik pisisimalerpoq, taakkulu piffissami qaninnermi atorneqalissapput.
-Kommunimi illoqarfinni tamani aqqusinilerisut aamma nunaqarfinni eqqaavilersiut anartarfilerisullu ATV-nik kalittagalinnik angallatilersorneqarnissaat siunniussimavarput. Nunaqarfiimmi illoqarfiillu ilaanni sullissississutit pisoqalilluinnarsimapput, ilaannilu aamma tulluanngitsunik atortoqarlutik. Taamaattumik sullissineq eqaallisarniarlugu ATV-nik nutaanik pilersuivugut, Avatangiisinut ingerlatsivimmi pisortaq, Malik Lundgaard Jensen oqarpoq.
ATV-nik nutaanik pisinissami Kommune Kujallermi suliffeqarfiit atorneqarnisaat Kommunalbestyrelsimiit pingaartinneqarsimavoq.
-ATV-nik pisinissatsinni pingaartissimavarput kommunitsinni suliffeqarfimmik atuinissarput, taamaalilluni aamma ATV-t iluarsartuunneqarnissaannik pisariaqartitsilerfimmi kingoraartissanik utaqqerujussuarnani qanimut kiffartuunneqarsinnaanissaq qulakkeerniarlugu, borgmesteri Malene Vahl Rasmussen oqarpoq.
ATV-t pisiarineqartut Nanortalimmi, Narsami, Qaqortumi, Igalikumi,Eqalugaarsunni , Aappilattumi, Tasiusamilu atorneqassapput.
