Misissuinerup nutaap siullermik Kalaallit Nunaanni LGBTQIA+-itut inuuneqartut inuunerat, atugarisaat ulluinnarnilu misigisartagaat pillugit tamakkiinerusumik takussutissaqartissavaa. Suliniummi suliffeqarfiit arlaqartut peqataapput, eqimattannillu, maannamut suli paasissutissanik killeqartunik kisimi pissarsiffiusimasumi ilisimasanik tunngavissaqarnerulerumallutik, annerusumik ilisimasaqalerumallutik misissuisimapput.
Misissuinermi inuit 15-it sinnerlugit ukiullit misissuinermi tunngavigineqarsimapput, pineqartullu LGBTQIA+-itut kinaassusilittut imminnut taaguuteqartut Kalaallit Nunaanni najugaqartuullutik. Peqataasut ilaatigut atugarissaarnermut, peqqissutsimut inuunermilu atukkanut tunngasunik misigilittakkaminnik misigisaminnillu oqaluttuarnissaminnut periarfissinneqarput.
Suliniuteqartut malillugit ullumikkut ataqatigiissaakkamik Kalaallit Nunaanni LGBTQIA+- inuit atugaat pillugit paasissutissat amigarput. Taamaattumik misissuineq ilisimalikkanik nutaanik tapersiissaaq, paasissutissallu piffissaq ungasinnerusoq eqqarsaatigalugu paasinninnissamut nukittorsaataallunilu pineqartunut sinaakkutassanik pitsaanerusunik pilersitsisoqarsinnaalissaaq.
Misissuinermi IPPS – Inuit Pisinnaatitaaffii Pillugit Siunnersuisoqartigiit, Sipineq+ aamma Kalaallit Nunaanni Peqqissusermik ilisimatusarfik ingerlatsisuupput. Iluarsartuullugu pilersaarusiaq NunaFonden-imiit aamma Tips- og Lottomidlerne-miit tapiissuteqarfigineqarpoq.
Soqutiginnittut link imaluunniit suliniut pillugu atuagassiami QR-kode aqqutigalugu peqataasinnaapput.
https://www.survey-xact.dk/servlet/com.pls.morpheus.web.pages.CoreRespondentCollectLinkAnonymous
