Eqqumiitsuliornermik ilinniarfiup Katuami inaarutaasumik saqqummersitsinera.
Ukioq ilinniarfiusoq 2025/2026 sisamaallutik aallartipput, ilinniartullu inaarutaasumik saqqummersitsisussat tassaallutik:
– Aila Nielsen
– Aqqalooraq Berthelsen
– Berthinnguaq O. Geisler
– Tupaarna Simonsen
Katuami saqqummersitsineq junip 5-ani aallartikkuni, junip 21-ani naggammik takuneqarsinnaajumaarput. Saqqummersitat amerlanersaat pisiarineqarsinnaajumaarput.
Nunatsinni Eqqumiitsuliornermik Ilinniarfia eqqumiitsuliortorsuarniit Hans Lyngemiit Bodil Kaalundimiillu Nuummi 1972-imi uffarfitoqqami Grafisk Værksteditut pilersinneqarpoq.
1981-imi ukiumik ataatsimik sivisussusilimmik ilinniarfittut namminersornerulernerup ataani inissinneqarpoq, ukiumullu tallimanik ilinniartoqartarluni. Ukiup ingerlanerani ukuninnga ilinniartinneqartarput: Titartaaneq, qalipaatilerineq, imilertakkanik akrylinik qalipaaneq, ilusilersuineq, grafiskimik naqiterineq, mixed medianillu sammisaqarneq. Ukiut tamaasa junimi Katuami tamanut suliaminnik saqqummersitsillutik ilinniarnertik naggasertarpaat.
