Meeqqat ilaqutariillu Meeqqat Ulluat nalliussiniarlugu Katuami nipilersornermik, sammisaqarnernik unammisitsinernillu nuannersunik misigisaqarnissamut qaaqquneqarput.
Ullumi juunip ulluisa aallaqqaataanni Meeqqat Ulluat Katuaq aamma Bankivik suleqatigiillutik malunnartissavaat. Aaqqissuussaq nal. 15.00-imiit 18.00-imut ingerlanneqassaaq, meeqqanut ilaqutariinnullu nuannersunik ataatsimoorfissanik assigiinngitsunillu sammisaqarfiussalluni.
Tikeraat ilaatigut nipilersornermik, qalipaanermut titartaasarfimmillu kiisalu sammisaqarnernik assigiinngitsunik nuannersunik unammisitsinernillu B-67 aamma UNICEF suleqatigalugit ingerlanneqartussanik misigisaqarsinnaapput. Siunertaavoq meeqqat ukiui apeqqutaatinnagit nuannersumik misigisaqarfiusumillu ullorsiortitsinissaq.
Nipilersornermik aliikkusersuineq
Ullormi tassani nipilersorlutik aliikkusersuisussat akornanniippoq reggaemik nipilersortartoqatigiit kalaallit nutaat Sauwestari, Meeqqat Ulluat ingerlanerani tusarnaartitsisussat.
Aamma Veronica, Maalia aamma Sacha, ARNAQ 2026-mi peqataasimasut, Meeqqat Ulluat nalliussiniarlugu nipilersorlutik aliikkusersuissapput.
Aaqqissuussamut tapeeqataasimasut qujaffigineqarput, ilaatigut Nuuk Lokaludvalg, B-67, UNICEF aamma Bankivik peqataatinneqarlutik.
Assip oqaasertaa:
