Timmisartoq tusaamaneqartoq, ”Lolita Express”-imik taaguuteqartup, assakaasui Kalaallit asfaltiannut missimapput. Tamanna Epsteinip eqqartuunneqarnerani attaveqaataannik misissuinermi e-mailikkut allaqatigiinnerup nassaarineqarsimasup uppernarsarpaa.
Orserniarluta mikkallarpugut
Ulloq 27. januaari 2018-imi Eva Dubin, Epsteinip qanigisaa, allagarsivoq. Nassiussisoq Karyna Shuliakimik ateqarpoq, piffissamilu pineqartumi Epsteinimit inooqatigineqarluni.
Mailimi ima allaqqasoqarpoq:
”Jeffrey Kalaallit Nunaannut orserniarluni mikkallarsimalluni sianeqqammerpoq. Ajorani oqaatigaa, naatsorsuutigalugulu akunnerit sisamat qaangiuppata New Yorkimiilersimassalluni…”
Allagaq nalunaaqutaq 18:13 UTC nassiunneqarsimavoq, tamannalu Kalaallit Nunaanni ualineranut naapertuulluni. Mikkallarneq Kangerlussuarmiinngikkuni Narsarsuarmiissimasoq akunnerit sisamat New Yorkimut naatsorsuutigineqartup takutippaa.
Maannakkut uppernarsaatit takuneqarsinnaanngilaq, Jeffrey Epsteinip mittarfeqarfik qimassimaneraa imaluunniit mikkallarnermini nunaqavissunik pulaagaqarsimanersoq.