Kommune Kujalliup kommunalbestyrelsia aaliangerpoq, akileraartarnermut suliami pineqartumi nangitseqqissalluni, tassani kommuni siornatigut akileraarnermut akiliisimannginneranut atatilllugu mianersuaalliornerujussuartut eqqartuunneqarsimavoq.
Aliangiineq ataasinngorneq ulloq 11. maaji Qaqortumi kommunalbestyrelsip immikkut ataatsimiinnerani aaliangiunneqarsimavoq. Sammineqartoq matoqqasumik suliarineqarsimavoq, ataatsimiinnilersaarummili takuneqarsinnaavoq, kommunalbestyrelsip suliaq nangeqqissallugu aaliangiisimasoq.
Eqqartuussut malillugu kommuni 2023-p aamma 2024-p ingerlanerani akileraarnermut qaammatit qulit piffissaq eqqorlugu akiliisarsimanngitsoq qaammatinilu pingasuni akiliinngiivissimasoq. Eqqartuussiviup nalilersimavaa, kommuni mianersuaalliornerujussuartut iliuuseqarsimasoq.