Aaqqissuussaq nutaaq tapiissuteqartarnermi atugassaritinneqartunik malunnaatilimmik pitsanngoriaatinik imaqarpoq. Angallatit 6 aamma 9,5 meter akornanni angissusillit 85 % tikillugu taperneqarsinnaapput, angallatillu 9,5 meter sinnerlugu angissusillit 60 % tikillugu taperneqarsinnaallutik. Peqatigisaanik nammineq aningaasaliissutissat 2 %-mut aamma 5 %-mut ikilisinneqarput.
Suliniuteqarnermi imaatigut sillimaniarnerup sakkortusaavigineqarneranut, ukioq naallugu aalisarsinnaanermut periarfissat pitsaanerulerneri, pingaartumik Tunumi, kiisalu aalisarfissatut pineqartuni aalisarnermi piginnaasaanik nalinginnaasumik nutarterineq ilaatigut tapersersorneqassapput. Aaqqiissut aqqutigalugu aalisarluni pisat amerlisinneqarsinnaaneri, aalisartut isertitaasa pitsanngoriaateqarneri aamma najukkami suliffissaqartitsiniarnerit pitsaasumik kinguneqarfigineqarsinnaaneri Naalakkersuisut naatsorsuutigaat.