Uummannami Meeqqerivik Ikinnguteeqqat perorsaasumik tullersortissarsiorpoq ulloq 1. november 2026 imaluunniit isumaqatigiissuteqarnikut atorfinittussamik.
Tullersortip qaninnertut qullersarissavaa Meeqqerivik Ikinnguteeqqani aqutsisoq.
Suliassat akisussaaffiillu:
• Avannaata Kommuniani meeqqanut inuusuttuaqqanullu politikkikkut anguniakkat naapertorlugit sullissineq
• Sulisut aalajangersimasumik qulequtaqarluni kommunip iluani kommunillu avataani ingerlatsinikkut piginnaasaannik inuttullu piginnaasaannik pitsanngorsaaneq, piginnaasanik sammisaqartitsisarnikkut kiisalu pikkorissaasarnikkut
• Pamersaanikkut periutsinik suleriutsinillu nutaanik saqqummiisarneq
• Meeqqanut, angajoqqaanut kiisalu sulsisunut isumannaatsumik toqqissisimanartumillu ulluunerani paaqqinnittarfimmik qulakkeerinninneq
• Ulluunerani paaqqinnittarfik pillugu paasissutissanik imalimmik quppersagaliortarneq
• Eqqarsaatit nutaat politikkikkullu anguniakkat naapertorlugit ersarissumik anguniagaqarluni sulineq
• Aqutsisumik ulluinnarni qanimut suleqateqarneq
Piginnaasat:
• Perorsaasutut ilinniagaqarsimaneq
• Ulluunerani paaqqinnittarfinni sulisitsinermik allaffissornermillu misilittagaqarneq
• Akisussaassuseqarneq, pissutsinut malinnaaqqinnaassuseqarneq kiisalu paasinnissinnaassuseqarneq ingerlariaatsinillu allannguisinnaassuseqarneq.
• Uippakajaarnartunik suliassaqartillugu eqqissisimasinnaaneq, eqaatsumik suleriuseqarsinnaaneq, suleqatikkumiartuuneq, inussiarnersuuneq kiisalu aalajaatsuuneq
• Timikkut tarnikkullu peqqissuuneq, ammasuuneq qiimasuunerlu
• Ulluunerani paaqqinnittarfiup anguniagai iliuusissatullu pilersaarutai naapertorlugit sulinissamut piareersimasuuneq
Akissaatit atorfeqartitaanermullu atugassarititaasut:
Atorfininnermi atugassarititaasut Naalakkersuisut Nunatsinni Perorsaasut Katuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfinnut atatillungu inissaqartitsisoqanngilaq.
Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.
Attaveqarfissaq:
Atorfimmut paasissutissat sukumiinerusut pineqarsinnaapput, Ane Zeeb Pjettursson Meeqqerivik Ikinnguteeqqat aqutsisuata saaffigineratigut oqarasuaataa 55 55 20 imaluunniit e-mail: azpj@avannaata.gl
Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat apuutereersimassapput nassiunneqassapput Avannaata Kommuniata nittartagaatigut: Avannaata.gl/ledige-stillinger iserfigalugu.
Qinnuteqarnissamut killissarititaasoq: oktobarip 28.-at, 2026
