Kulturimut, sunngiffimmut pinaveersaartitsinermilu suliatigut pisortaq
Kommune Kujallermi siunissami kulturimut, sunngiffimmi pinaveersaartitsinermullu suliniutinik nutartereqataarusuppit?
Takorluugalimmik iliuuseqarsinnaassusilimmillu aqutsisussarsiorpugut, taanna allat aporfinnik isigineranni periarfissanik takunnittassaaq – isumassarsianillu nutaanik innuttaasunut suliniutinngortitsisinnaassalluni.
Illoqarfitsinni nunaqarfittatsinnilu qanoq ililluta ataatsimoornerit suli nakussatsissinnaavagut? Kultureqarnermi sunngiffimmilu sammisassat qanoq ineriartortissinnaavagut amerlanerusut peqataasinnaanngorlugit? Qanorlu pinaveersaartitsineq, atugarissaarnissamut peqqinnermullu qanoq pitsaasumik eqqarsarsinnaaffigisinnaavarput?
Aqutsisussarsiorpugut siammasissumik eqqarsarsinnaasumik, atugarissaarnermik, peqqinermik aammalu illoqarfitsinni nunaqarfittatsinnilu ataatsimoorfinnik nukittorsaasussanik.
Atorfik Inerisaanermut Ingerlatsivimmiippoq, Qaqortoq suliffigineqassalluni, atorfiniffissarlu tassaalluni decembarip ulluisa aallaqqaataa 2026 imaluunniit isumaqatigiissuteqarneq malillugu.
Atorfik pillugu
Pisortatut kulturip, sunngiffiup pitsaaliuinerullu iluani suliatigut, sulisunit aningaasaqarnermullu akisussaaffik tamakkiisoq tigussavat.
Suliaqarfimmi ilaatigut ilaatinneqarput katersugaasiviit, atuakkanik atorniartarfiit, sukisaarsaartarfiit, timersorneq, peqatigiiffeqarneq, sunngiffimmi ilinniartitsineq, pinaveersaartitsineq kiisalu ingerlatsinermut suleqatigiinnermullu isumaqatigiissutit tassunga attuumassuteqartut.
Ingerlatsiviup pisortaa qullersarissavat ingerlatsiviullu pisortaqatigiivinut ilaassallutit.
Ingerlatsinerup nukittutinnissaa suliassarisavat kiisalu suliassaqarfimmi ineriartornermik qaffasissumik sammiviliissallutit.
Suliassatit pingaarnerpaat
o Periusissianik politikkikkullu anguniakkanik ineriartortitsilluni timitaliineq angusaqarnerlu.
o Kulturi, sunngiffik, timersorneq pinaveersaartitsinerlu akimorlugit nutaaliornernik, nutaanik eqqarsarnermik ataqatigiinnermillu pilersitsineq.
o Meeqqat inuusuttullu ataatsimoornerni toqqissisimanartuni imartuunilu peqataasarnissaannut periarfissaat nakussassaaneq.
o Peqatigiiffinnik, kajumissutsimik suliaqartunik, suliffeqarfinnik sumiiffinnilu ingerlatseqataasuniksuleqateqateqarnermkm ineriartortitsineq.
o Akisussaaffik, atugarissaarneq ineriartornerlu qitiutillugit sulisunik aqutsisunillu siulersuineq kajumissaarinerlu.
o Aningaasaqarnermik aqutsineq akisussaassusilik, ingerlatsineq angusaqarfiulluartoq, allaffissorneq inatsisinik malinniffiusoq politikkikkullu kiffartuussineq pitsaasoq qulakkeerneqassapput.
o Kulturikkut kingornussanik nakussassaaneq kiisalu najukkami inuiaqatigiinni katersugaasiviit atuakkanillu atorniartarfiit inissisimanerannik ineriartortitsineq.
Suleqatissarsiorpugut makkuninnga piginnaasalimmik
o Tulluartumik qaffasissumik ilinniagaqarnissaq aqutsisutullu misilittagaqarluarnissaq.
o Nutaaliorluni, siumut isigaluni ataatsimullu isiginnilluni eqqarsartartoq.
o Nutaanik isumassarsianik piviusunngortitsinissaminut pioreersunillu unammillerneqarnissaminut sapiissuseqarnissaq.
o Allat aqqutigalugit peqataatitsilernermik, tapersersuinermik angusarissaarnermillu pilersitsisinnaasoq.
o Aningaasaqarnermik aqutsinermik, sulisunik aqutsinermik suliffiullu ineriartortitsivigineqarneranik misilittagalik.
o Suliffeqarfimmi politikkikkut aqutaasumik sulinermik paasinnittoq.
o Suleqatigiinnermut sammisoq, aalajangiisinnaassuseqarluartoq peqatissarsiullaqqissorlu.
Meeqqanik pinerlisimannginnermut uppernarsaat
Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.
Siulersuisinnaassuseqarnerit, ineriartortitsisinnaassuseqarnerit angusaqarsinnaassuseqarnerillu pingaartippavut. Suliatigut ilinniakkatigullu tunuliaquttat assigiinngissinnaaput, , piumasaqaataasunik piginnaaneqaruit piumassuseqaruillu naammappoq.
Neqeroorutigivagut
Aqutsisutut atorfik soqutiginiartoq Kommune Kujallermi kulturip, sunngiffiup pinaveersaartitsinerullu ineriartortinneqarnerannut sunniuteqarnissamut periarfissalik.
Aqutsisoqatigiinnut suleqatigiinnermik, ilisimasanik paarlaasseqatigiinnermik aaqqiissutissanillu nutaanik pingaartitsisumut ilaalissaatit. Innuttaasut inuunerissuunerannut ataatsimoorfeqarnerannullu pingaarutilerujussuarmut sunniuteqaqataalluarnissannut periarfissaqalissaatit.
Kommunip illoqarfiini nunaqarfiinilu angalasarnissaq naatsorsuutigineqassaaq.
Akissarsiat atorfinitsitaanermullu tunngasut
Akissarsiat atorfinitsitaanermullu atugassarititaasut atuuttut pisinnaasat aamma isumaqatigiinneq naapertorlugit aalajangersarneqassapput. Lønramme 38 niveau 3-mi inissinnenqassaaq.
Avataniit atorfinittoq Inissamik innersuussisoqarsinnaavoq malittarisassat atuuttut naapertorlugit ineqarnermut qularnaveeqqutinullu akiliiffiusartussamik.
Allanngueqataarusuppit?
Aqutsisumik pioreersuinnarnik ingerlatsisussamik ujartuiinnanngilagut – aqutsisussamilli periarfissanik tulliuttunik takunnissinnaasumik ujartuilluta.
Atorfik pillugu paasissutissat sukumiinerusut pissarsiarineqarsinnaapput Ingerlatsiviup pisortaa Annga Lynge oqarasuaat nr. 64 81 53 imaluunniit e-mail anly@kujalleq.gl
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit Kommunimut tunniunneqariissapput kingusinnerpaamik juunip ulluisa qulingat 2026 nittartagarput aqqutigalugu.
MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatinnik nittartagaq aqqutigalugu PDF-inngorlugit qarasaasiakkut nassiunnissaat piumasarineqarpoq.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Januaarip aallaqqaataa 2018 aallarnerfigalugu aatuutinneqalerpoq. Paasissutissat sukumiinerusut Sulisoqarnikkut Immikkoortortami pissarisarineqarsinnaapput”
Qinnuteqarnissamut killissarititaasoq: novembarip 18.-at, 2026

