Naatsorsuuserivimmi allaffissornikkut sulisoq
Kommune Kujalleq maanna ineriartorluarpoq, tassani aningaasanik aqutsineq nukittorsarneqarpoq kiisalu aningaasaqarnikkut aporfiit pinaveersaartinneqaleruttorlutik. Tassunga atatillugu kommunip naatsorsuuseriviani allaffissornikkut suleqatissatsinnik tunniusimasumik peqqissaartumillu suleqatissarsiorpugut.
Ulluinnarni allanngorartuni sulilluarsinnaasumik, akisussaaffimmik tigusisinnaasumik kommunillu aningaasaqarnikkut ineriartortuarneranut tapersersueqataarusuttumik allaffissornikkut sulisussarsiorpugut.
Atorfik pillugu
Kommunip naatsorsuuseriviani allaffissornikkut sulisutut ulluinnarni ingerlatsinermi inissisimalissaatit aammalu allaffissornikkut ataqatigiissaarinermut tapersersuillutit. Atorfik kommunimi illoqarfinni nunaqarfinnilu suleqatigiinnissinnaanermik piumasaqaatitaqarpoq, taamaammat akisussaassusilimmik, suliassanillu peqqissaarluakkamik naammassinnittarneq atorfimmi pingaartinneqarluni.
Suliassatit pingaarnerit ilaatigut makkussaapput:
- Allaffissornikkut naatsorsuuserinikkullu suliaqarneq
- Akiligassanik suliaqarneq, naatsorsuutinut ikkussuineq malitseqartitsinerlu
- Allagaatinik toqqortuineq nalunaarsuinerlu
- Suliffiup iluanit avataaneersuniillu saaffiginnissutinik suliaqarneq
- Suliassat allaffissornerillu tungaatigut immikkoortortap sulisuinut tapersersuineq
- Pisariaqartitsineq naapertorlugu suliassanik takkussuuttunik suliaqarneq
Naatsorsuutigaarput, illit:
- Allaffissornermut attumassutilimmik ilinniagaqartutit imaluunniit atorfimmit assingusumit misilittagaqartutit
- Peqqissaarlutit namminersorlutillu sulisartutit pitsaassuseq sukutsitannguanullu tappissuseq pingaartikkitit
- Aningaasaqarnermut naatsorsuuserinermullu paasisimasaqarlutillu soqutiginnittutit
- Ulapaarfimmi tamakkiisumik takunnissinnaassuseqarlunilu attassiinnarsinnaassusilik
Neqeroorutigivagut:
- Atorfik tamatigoortoq isumaqarluartorlu kommuni ineriartorfiusumi
- Aningaasaqarnermik aqutsinermut pitsanngorsakkamut isumaginninnermilu pinaveersaartitsinermut peqataalluarnissamut periarfissaq
- Ilinniarsimasatigut inuttullu ineriartorneq
- Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput.
Qinnuteqarneq
Atorfimmi atugassarititaasut Akissarsiatigut atorfininnermilu atugassarititaasut isumaqatigiissut atuuttoq naapertorlugu pissapput.
Suliffiup sumiissusia: Qaqortoq
Qinnuteqarnissamut killissarititaq: 19. oktober 2026
Atorfininneq: ingerlaavartumik oqaloqatiginnittoqartassaaq, atorfininnerlu piaarnerpaamik imaluunniit erseqqinnerusumik isumaqatigiisssuteqarnikkut pissalluni.
Paasissutissat allat
Atorfimmut paasissutissat erseqqinnerusut pissarsiarineqarsinnaapput uunnga saaffiginninnikkut: Sikkersoq Berthelsen, oqarasuaat 648112 imaluunniit e-mail: sikb@kujalleq.gl
Qinnuteqaat
Qinnuteqaat, ilinniakkanik suliffigisimasanillu paasissutssartalik, kiisalu pisariaqartunik uppernarsaatitalik Kommune Kujalliup qinnuteqarnermi periaasii atuuttut naapertorlugit qinnuteqarfissatut killiliussaq nallertinnagu nassiunneqassaaq.
Qinnuteqarnissamut killissarititaasoq: oktobarip 19.-at, 2026
