Ansøgningsfristen for dette job er udløbet. Se ledige job →
Kommune Qeqertalik Suliassaqarfik Timi Tarnimilu, Qeqertarsuarmi Timersortarfik pisortassarsiorpoq, 1. oktober 2026 imaluunniit isumaqatigiissuteqarnikkut sulilertussamik.
Timersortarfimmi Pisortap qaninnertut qullersarissavaa Timi Tarnimilu sunngiffimmi pisortaq.
Inuk atorfinitsitassarput namminersorluni sulisinnaassaaq, tatiginartuulluni, attaveqatigiinnermut pikkorissuussalluni kiisalu suliffimmut aalajaatsuussalluni timimigullu tarnimigullu patajaalluni.
Timersortarfimmi Pisortatut ilaatigut makku akisussaaffigissavatit:
·Ulluinnarni eqqiarneqarnera sukumiisuujuaannarnissaa.
·Timersortarfiup ulluinnarni ingerlanneqarnera.
·Atuisunik sullissineq suleqateqarnerlu.
·Atuisuni tamani, timersornerup iluani suleqateqarnikkut isumassarsiullaqqissuuneq.
·Ukioq kaajallallugu aalanerulernissamut akisussaaqataalluni atuisunut innuttaasunullu suliniuteqarnikkut.
·Piumassuseqarluartuussaatit nutaaliorsinnaasuussallutillu.
·Allaffissornermut misilittagalik.
·Pinaveersaartitsinermik suleqataaneq.
Atorfinittussaq naatsorsuutigaarput:
·Piffissamik ataqqinnittuussaatit.
·Sullissillaqqissoq.
·Piffissaq suliffiusoq nikerartuussooq, ingammik suliniuteqarnerit nalaanni.
·Kommune Qeqertalik Timi Tarnimilu pingaartinneqarnerpaat ilagaat peqatigiiffiit, suliffeqarfiit, innuttaasut atuisullu akornanni aammalu akimorlugit suleqateqarsinnaanissat.
Ilinniakkatigut piumasaqaatit:
Timersornikkut ilinniagaqarsimanissaq piumasaqaataanngilaq, kisialli pitsaaqutaassaaq. Inulerinermik misilittagaqarneq aamma pitsaaqutaassaaq
Akissarsiaqarneq atorfinitsitaanerlu:
Atorfininnermut atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.
Atorfimmut atatillugu inissaqartitsisoqanngilaq
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Atorfik pillugu annertunerusumik paasisaqarusukkuit Sunngiffimmi pisortaq Bella Broberg attavigisinnaavat Tlf.: 38 71 87 imaluunnit e-mail: beb@qeqertalik.gl
Qinnuteqarneq:
Qinnuteqaatinik mail-ikkut allakkatigullu tigusineq ajorpugut.
Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu.
”Atorfik una qinnuteqarfigiuk” toorlugu ikkunneqassapput.
Qinnuteqaatit nassiunnerini ajornartorsiuteqaruit hr@qeqertalik.gl attavigiuk.
Qinnuteqaativit tigunissaanut qilanaarpugut.
Qinnuteqarnissamut killissarititaasoq: septembarip 20.-at, 2026
