Ansøgningsfristen for dette job er udløbet. Se ledige job →
Narsami qatserisartut aqutsisuat.
Annertuumik akisussaaffeqarlutit, aqutsisuullutit assigiinngissitaartunillu suliassaqarlutit sulilluarluartaruit, qatserisartunut pitsaasumik sinaakkutassaqartitsilluaruit immaqa tassaavutit qatserisartuni aqutsisussarput nutaaq Septemberipulluisa aallaqqaataani 2026 imaluunniit isumaqatigiissuteqarnikulluunniit atorfinittussamik.
Atorfimmi tassani upalungaarsimanermut pisortap saaffigisartagarissavaa atorfillu Narsamiilluni.
Qatserisartut aqutsisuata akisussaaffii.
Narsami qatserisarfianut kiiisalu nunaqarfinni Qassimiut, Qassiarsuk Narsarsuaq aamma Igalikullu qatserisarfinni ingerlatsinermut misissingersuutinullu akisussaasoq.
Inatsisitigut piumasaqaatitalinnik ilitsersuineq.
Atorfimmut piginnaasatigut piumasaqaatit.
- Minnerpaamik holderitut ilinniarsimasoq minnerpaamilu ukiuni pingasuni holdlederitut misilittagaqartoq.
- Inersimasunik inulerinermut tunngaviusumik ilinniagaqarsimaneq.
- Putsumut pulasarnermut ilitsersuisoq.
- Ikuallapiloortartulerinermut ilitsersuisoq.
- Biilernermut allagartaq angisooq.
- Qaatusimasoq.
Avataanit qinnuteqartut inissaqartinneqarsinnaapput.Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.
Atorfik pillugu paasissutissat sukumiinerusut pissarsiarineqarsinnaapput upalungaasimanermut imaluunniit upalungaarsimanermut pisortaq Miki Sikemsen saaffigalugu Miki@kujalleq.gl
Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik Augustip ulluisa 19-ianni 2026 nittartagarput aqqutigalugu
MALUGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”
Qinnuteqarnissamut killissarititaasoq: aggustip 19.-at, 2026
